• मेष:-
    कामात चंचलतेला मध्ये आणू नये. एकाग्रता वाढवावी लागेल. सामाजिक वजन वाढेल. काही कामे वेळ काढतील. वारंवार बदल करू नयेत.
  • वृषभ:-
    इतरांना सेवेचे महत्त्व पटवून द्याल. धार्मिक कामात हातभार लावाल. बौद्धिक चुणूक दाखवाल. गुरुकृपेचा लाभ होईल. कल्पनाशक्तीला चांगला वाव मिळेल.
  • मिथुन:-
    काही गोष्टी अचानक सामोऱ्या येतील. चुकीच्या कामात अडकू नये. प्रामाणिकपणे कामे हाती घ्यावीत. घरातील ज्येष्ठांची काळजी घ्यावी. मानसिक स्थैर जपावे.
  • कर्क:-
    एकमेकांतील ओढ वाढेल. वैवाहिक सौख्यात अधिक भर पडेल. प्रवास करावा लागेल. जोडीदाराची उत्तम साथ लाभेल. कौटुंबिक खर्च वाढेल.
  • सिंह:-
    सतत गप्पांमध्ये रमाल. कमिशनमध्ये फायदा संभवतो. बोलतांना भान राखावे. सर्वांशी गोड बोलण्यावर भर द्याल. काटकसर कराल.
  • कन्या:-
    तुमच्या व्यक्तिमत्त्वाची चांगली छाप पडेल. मैत्रीचे संबंध दृढ होतील. सर्वांशी मिळूनमिसळून वागाल. हौस पूर्ण कराल. लोक तुमच्यावर खुश होतील. पत्नीचा सुस्वभाविपणा दिसून येईल.
  • तूळ:-
    मनात विचित्र कल्पना बाळगू नका. वेळ ठरवून गाठीभेटी ठरवाव्यात. मनात नसतांना प्रवास करावा लागेल. निष्ठा ढळू देवू नका. घरगुती कामात वेळ निघून जाईल.
  • वृश्चिक:-
    आपलाच हेका पूर्ण कराल. परिस्थितीवर मात कराल. वरिष्ठांची नाराजी ओढवून घेवू नये. साहसाने कामे हाती घ्याल. परिस्थिती आवाक्यात आणाल.
  • धनु:-
    प्रवासात सतर्कता बाळगावी लागेल. स्वकष्टाने कामे करण्यावर भर द्याल. सासुरवाडीच्या मंडळींचे सहकार्य घ्यावे. शक्तीची उपासना करावी. पराक्रमाला वाव मिळेल.
  • मकर:-
    तडकाफडकी काही गोष्टी कराव्या लागतील. उष्णतेचे विकार जाणवतील. शारीरिक कष्ट वाढू शकतात. पोटाचे विकार जाणवू शकतात. किरकोळ दुखापतींकडे दुर्लक्ष करू नका.
  • कुंभ:-
    काही गोष्टी मनाविरुद्ध घडू शकतात. क्षुल्लक कारणावरून वाद घालू नयेत. भागादारीत मतभेदाला थारा देवू नये. विवाह विषयक गोष्टी काही काळासाठी पुढे ढकलावेत. रागावर नियंत्रण ठेवावे.
  • मीन:-
    फार काळजी करू नये. फसवणुकीपासून सावध राहावे. चुगल्या करणाऱ्या लोकांपासून दूर राहावे. निंदा करणारे लोक त्रासदायक ठरू शकतात. कष्टाने कामे पार पडतील.

    – ज्योतिषी विद्याधर करंदीकर