Dhan Shakti Yog in Makar: वैदिक ज्योतिषात ग्रह वेळोवेळी राजयोग तयार करत असतात. ज्याचा परिणाम मानवी जीवनावर आणि पृथ्वीवर दिसून येतो. तसेच या योगांचा प्रभाव एखाद्या व्यक्तीसाठी शुभ तर कोणासाठी अशुभ असतो. आता मकर राशीमध्ये शुक्र आणि मंगळ ग्रहाची युती झाली आहे. या दोन्ही ग्रहाच्या शुभ युतीमुळे 'धनशक्ती योग' निर्माण झाला आहे. हा योग काही राशींसाठी अच्छे दिन घेऊन येणारा ठरु शकतो. जाणून घेऊया यामुळे कोणत्या राशींच्या व्यक्तींना लाभ मिळू शकतो. 'या' राशींना होणार धनलाभ? मेष राशी धनशक्ती योग मेष राशीच्या लोकांसाठी अनुकूल परिणाम घेऊन येणारा ठरु शकतो. हातात घेतलेलं प्रत्येक काम यशस्वी होऊ शकतात. कामातील सर्व अडथळे दूर होऊ शकतात. घरामध्ये शुभ कार्य होण्याची शक्यता आहे. या राशीच्या लोकांना परदेशात जाण्याची संधीही मिळू शकते. न्यायालयीन प्रकरणं सुरू असतील तर निकाल तुमच्या बाजूनं लागण्याची शक्यता आहे. करिअरमध्ये प्रगती होऊ शकते. संपत्तीमध्ये वाढ होण्याची शक्यता आहे. (हे ही वाचा: Chanakya Niti: नवरा-बायकोमधील ‘या’ ३ कारणांमुळे वाढतो दूरावा; सुखी वैवाहिक जीवनासाठी ‘ही’ सूत्रं नोट करा ) कन्या राशी धनशक्ती योग निर्माण झाल्याने कन्या राशीच्या लोकांना सुखाचे दिवस अनुभवता येऊ शकतात. या काळात या राशीच्या लोकांसाठी उत्पन्नाचे नवीन स्रोत उघडू शकतात. कष्टाचं गोड फळ या काळात मिळण्याची शक्यता आहे. व्यवसायात मोठा नफा होऊ शकतो. नव्या नोकरीची संधी चालून येऊ शकते. प्रदीर्घ प्रलंबित कामे पुन्हा सुरू होऊ शकतात. वाहन, नवीन घर, मालमत्ता इत्यादी खरेदी करण्याची तुमची इच्छा पूर्ण होऊ शकते. कौटुंबिक सौख्य लाभण्याची शक्यता आहे. मकर राशी मकर राशीच्या लोकांसाठी धनशक्ती योग चांगला सिद्ध होऊ शकतो. तुम्हाला नशिबाची पूर्ण साथ मिळू शकते. स्पर्धा परीक्षांची तयारी करणारे लोकही यश मिळवू शकतात. भागीदारीत केलेला व्यवसाय यशस्वी आणि फायदेशीर ठरू शकतो. व्यवसायातही भरपूर नफा मिळण्याची शक्यता आहे. आर्थिक स्थिती मजबूत होण्याची शक्यता आहे. भाऊ आणि बहिणीसोबत तुमचा वेळ चांगला जाऊ शकतो. समाजात तुमचे स्थान आणि प्रतिष्ठा वाढण्याची शक्यता आहे. (टीप: वरील लेख हा प्राप्त माहितीवर आधारित आहे)
