छत्रपती संभाजीनगर - घरगुती सिलिंडर गळती होऊन लागलेल्या आगीत सांसारिक साहित्यासह कपडे आदी वस्तूंचे नुकसान झाले. गुरुवारी सायंकाळी ही घटना बायजीपुरा भागातील इंदिरानगरातल्या गल्ली क्र. १२ मध्ये घडली. या घटनेची माहिती पदमपुरा अग्निशमन केंद्राला दिल्यानंतर घटनास्थळी सिडको अग्निशामक केंद्राचे पथक दाखल झाले. मुख्य अग्निशमन अधिकारी शिवाजी झनझन यांच्या मार्गदर्शनाखाली अग्निशमन केंद्र अधिकारी आर. के. सुरे, उपअग्निशमन केंद्र अधिकारी भगात, ड्युटी अधिकारी एस. एस. कुलकर्णी, वाहनचालक अब्दुल हमीद आदींनी आग आटोक्यात आणली.
