scorecardresearch

टाटा मोटर्सने वाहनांच्या किमती वाढवल्या, जाणून घ्या Nexon, Punch, Harrier आणि Tiago ची किंमत किती?

भारतातील आघाडीची वाहन निर्माता कंपनी TATA मोटर्सने आपल्या वाहनांच्या किमतीत वाढ केली आहे.

TATA
टाटा मोटर्सने वाहनांच्या किमती वाढवल्या, जाणून घ्या Nexon, Punch, Harrier आणि Tiago ची किंमत किती?

भारतातील आघाडीची वाहन निर्माता कंपनी TATA मोटर्सने आपल्या वाहनांच्या किमतीत वाढ केली आहे. कंपनीने आपल्या अनेक वाहनांच्या आणि व्हेरियंटच्या किमती सरासरी १.१ टक्क्यांनी वाढवल्या आहेत. टाटा मोटर्सपूर्वी, इतर अनेक वाहन निर्मात्यांनीही खर्च वाढल्यामुळे त्यांच्या वाहनांच्या किमती वाढवल्या आहेत. कंपनीने शनिवारी जारी केलेल्या निवेदनात म्हटले आहे की, वाहन निर्मितीच्या खर्चात वाढ झाल्याने प्रवासी वाहनांच्या किमतीत वाढ करण्यात आली आहे. या दरवाढीनंतर नेक्सॉन, पंच, हॅरियर आणि टियागो या वाहनांच्या किमती बदलतील. आजपासून म्हणजेच २३ एप्रिल २०२२ पासून हे नवे दर लागू होतील.

कच्च्या मालाच्या किमतीत वाढ
गेल्या काही महिन्यांत स्टील आणि इतर कच्च्या मालाच्या किमतीत वाढ झाल्याने वाहनांच्या किमती पाच ते आठ टक्क्यांनी वाढल्या आहेत. टाटा मोटर्सने स्वतः मार्च २०२२ मध्ये जाहीर केले होते की १ एप्रिलपासून मॉडेल आणि प्रकारानुसार त्यांच्या व्यावसायिक उद्देशाच्या वाहनांच्या किमती २ ते २.५ टक्क्यांनी वाढवल्या आहेत.

कोणत्या वाहनांच्या किंमती वाढल्या?
टाटा नेक्सन, पंच, सफारी, हॅरियर, टियागो, अल्ट्रोज आणि टिगोर यांच्या किमती आजपासून वाढवण्यात आल्या आहेत. मात्र, वाढलेल्या वाहनांच्या नवीन किमती टाटा मोटर्सच्या वेबसाइटवर अपडेट केल्या नाहीत. येथे विविध प्रकार आणि मॉडेल्ससाठी तीच जुनी किंमत देण्यात आली आहे. ते लवकरच अपडेट केले जाईल. टाटा पंचची किंमत ५.६७ ते ८.८८ लाख रुपये आहे. त्याच वेळी नेक्सनची किंमत ७.४२-११.७ 8 लाख रुपये आहे. हॅरियरची किंमत १४.५२ लाख ते २०.४६ लाख रुपये आहे. याशिवाय टाटा टिगोरची किंमत ५.२२ लाख ते ६.६७ रुपये आहे.

Mahindra Thar 5 Door Variant लवकरच होणार लाँच, किमतीपासून वैशिष्ट्ये जाणून घ्या

चार महिन्यांत किंमत तीन वेळा वाढली
सध्या टाटा मोटर्सने २०२२ मध्ये आपल्या कारच्या किमती प्रभावीपणे तीन पट वाढवल्या आहेत. टाटा ही सध्या सर्वात मोठी इलेक्ट्रिक कार विकणारी कंपनी आहे, टाटा मोटर्सची २०२२ मधील तिमाहीत विक्री १,२३,०५३ युनिट्सवर होती, दरमहा सरासरी ४१ हजार युनिट्सची विक्री होते.

मराठीतील सर्व ऑटो ( Auto ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tata motors raises vehicle prices find out how much nexon punch harrier and tiago cost rmt