News Flash

Municipal Corporation LIVE : शिवसैनिकांचा विरोध डावलून स्नेहल आंबेकरांना वॉर्ड क्र. १९८ मधून उमेदवारी

राज्यातील दहा महानगरपालिकांच्या  निवडणुकीसाठी ( Municipal Corporation)  अर्ज भरण्याचा आज शेवटचा दिवस असल्यामुळे मुंबईसह सर्वच ठिकाणी अर्ज भरण्यासाठी उमेदवारांची झुंबड उडालेली आहे. दोन दिवसांपूर्वी मुंबई

मुंबई महानगरपालिका

राज्यातील दहा महानगरपालिकांच्या  निवडणुकीसाठी ( Municipal Corporation)  अर्ज भरण्याचा आज शेवटचा दिवस असल्यामुळे मुंबईसह सर्वच ठिकाणी अर्ज भरण्यासाठी उमेदवारांची झुंबड उडालेली आहे. दोन दिवसांपूर्वी मुंबई महानगरपालिकेसाठी (BMC)केवळ १६६ उमेदवारांनी अर्ज भरले होते. मात्र, राजकीय पक्षांकडून एबी फॉर्मचे वाटप करण्यात आल्यानंतर कालपासून उमेदवारांनी अर्ज भरण्यास सुरूवात केली आहे. दरम्यान, वादग्रस्त जागांवरून होणारी बंडखोरी टाळण्यासाठी शिवसेनेने शेवटपर्यंत उमेदवारांची नावे जाहीर केली नव्हती. मात्र, एबी फॉर्म न मिळालेल्या उमेदवारांनी कालपासूनच पक्षाला अखेरचा ‘जय महाराष्ट्र’ करण्यास सुरूवात केली आहे. कालच विद्यमान नगरसेवक नाना अंबोले आणि दिनेश पांचाळ यांनी बंडखोरी केल्यानंतर आता शिवसेनेचा बालेकिल्ला असणाऱ्या दादर आणि प्रभादेवीमध्येही बंडखोरी झाली आहे.  प्रभादेवीतील शिवसेनेचे आमदार सदा सरवणकर यांचा मुलगा समाधान सरवणकर यांना तिकीट दिल्याने शिवसेनेचे नाराज महेश सावंत यांनी त्याविरोधात बंड पुकारले आहे. महेश सावंत हे प्रभादेवी वॉर्ड १९४ मधून अपक्ष उमेदवार म्हणून निवडणूक लढवणार आहेत. त्यामुळे प्रभादेवी विभागात शिवसेनेचाच अंतर्गत सामना रंगणार आहे. दादर, माहिम, प्रभादेवी हे शिवसेनेचे बालेकिल्ले मानले जातात. यापैकी दादर विभागातील सात जागांवर गेल्या निवडणुकीत मनसेचे उमेदवार निवडून आले होते. त्यामुळे शिवसेनेच्या वर्चस्वाला मोठा धक्का बसला होता. यावेळीही शिवसैनिक एकमेकांविरुद्ध उभे ठाकणार असल्याने मतांच्या विभागणीमुळे शिवसेनेला फटका बसू शकतो. काल रात्री उशीरापर्यंत मातोश्रीवर सरवणकर आणि महेश सावंत यांच्यात वाटाघाटी सुरु होत्या. मात्र, मातोश्रीने समाधान सरवणकर यांच्या पारड्यात दान टाकल्याने महेश सावंत यांनी अपक्ष निवडणूक लढवण्याचा निर्णय घेतला.

 

Kunal Gavankar February 3, 20177:59 pm

नाशिक: शिवसेनेकडून प्रभाग २८, २९ आणि ३ मध्ये डबल एबी फॉर्मचे वाटप; गोंधळाचे वातावरण

Kunal Gavankar February 3, 20177:58 pm

नाशिक: शिवसेनेच्या एबी फॉर्म वाटपात गोंधळ; प्रभाग ४ मध्ये एबी फॉर्म न पोहचल्याने ४ उमेदवार पुरस्कृत करण्याची शिवसेनेवर नामुष्की

Kunal Gavankar February 3, 20177:36 pm

पुण्यात इच्छुकांना उमेदवारी न मिळाल्याने भाजप कार्यालयाबाहेर गर्दी, पोलीस बंदोबस्तात वाढ

Kunal Gavankar February 3, 20177:36 pm

पुण्यातील भाजप कार्यालयाबाहेर शहाराध्यक्ष योगेश भोगले यांच्या फोटोला नाराज कार्यकर्त्यांनी काळ फासलं

Kunal Gavankar February 3, 20177:35 pm

पिंपरी चिंचवडमध्ये भाजपने फक्त तीन जागा दिल्याने रिपाई नाराज

Kunal Gavankar February 3, 20177:34 pm

पिंपरी चिंचवडमध्ये भाजपने रिपाईसोबतची युती तोडली

Kunal Gavankar February 3, 20177:33 pm

सोलापूरात काँग्रेस-राष्ट्रवादीने शेवटच्या दिवशी वाटले एबी फॉर्म

Kunal Gavankar February 3, 20177:32 pm

सोलापूरात काँग्रेसने १०२ जागांवर उमेदवार दिले; राष्ट्रवादी ६२ जागा लढवणार

Kunal Gavankar February 3, 20177:31 pm

शिवसेनेचे माजी नगरसेवक बाळा घाग आणि पत्नी संगीता घाग यांचा राष्ट्रवादीतून उमेदवारी अर्ज

रोहित धामणस्कर February 3, 20174:47 pm

आशिष शेलार संपूर्ण मुंबईत रोड शोद्वारे प्रचार करणार

रोहित धामणस्कर February 3, 20174:47 pm

विनोद तावडे आणि आशिष शेलार मराठी भागांमध्ये प्रचार करणार

रोहित धामणस्कर February 3, 20174:46 pm

मुख्यमंत्री देवेंद्र फडणवीस मुंबईत प्रचारासाठी दहा सभा घेणार

रोहित धामणस्कर February 3, 20174:19 pm

ठाण्यातील ज्येष्ठ शिवसैनिक बाळा घाग यांचा राष्ट्रवादी काँग्रेसमध्ये प्रवेश

रोहित धामणस्कर February 3, 20173:58 pm

पिंपरीत जेलमधून भरला उमेदवारी अर्ज; आरोपी अरविंद साबळे बसपाच्या तिकीटावर निवडणूक लढणार

रोहित धामणस्कर February 3, 20173:08 pm

शिवसैनिकांचा विरोध डावलून महापौर स्नेहल आंबेकर यांना वॉर्ड क्र. १९८ मधून उमेदवारी

रोहित धामणस्कर February 3, 20173:03 pm

मुंबईत भाजप आणि मित्रपक्षांचा जागावाटपाचा फॉर्म्युला निश्चित; भाजप १९५ , रिपब्लिकन पक्ष २५, रासप ५ आणि शिवसंग्राम ४

रोहित धामणस्कर February 3, 20171:44 pm

कोकण विभाग शिक्षक मतदारसंघ निवडणूक; १२ वाजेपर्यंत ठाणे जिल्ह्यात ३४.३४ टक्के मतदान

रोहित धामणस्कर February 3, 20171:39 pm

माजी महापौर विनायक पांडे आणि महानगरप्रमुख अजय बोरस्ते यांच्या गटात हाणामारी

रोहित धामणस्कर February 3, 20171:38 pm

नाशिकच्या चांडक सर्कलमध्ये शिवसैनिकांच्या दोन गटांमध्ये हाणामारी; पोलिसांचा सौम्य लाठीमार

रोहित धामणस्कर February 3, 20171:37 pm

ठाण्यात भाजपच्या कार्यालयात धक्काबुक्की

रोहित धामणस्कर February 3, 20171:35 pm

मनसेने १७५ दिले एबी फॉर्म

रोहित धामणस्कर February 3, 20171:35 pm

प्रभादेवीमध्ये शिवसेनेमधील अंतर्गत संघर्ष पेटला, समाधान सरवणकर यांना
तिकिट दिल्याने सेनेत बंडखोरी, महेश सावंत अपक्ष म्हणून निवडणूक लढवणार

रोहित धामणस्कर February 3, 20171:33 pm

प्रभादेवीमध्ये शिवसेनेमधील अंतर्गत संघर्ष पेटला, समाधान सरवणकर यांना
तिकिट दिल्याने सेनेत बंडखोरी, महेश सावंत अपक्ष म्हणून निवडणूक लढवणार

रोहित धामणस्कर February 3, 20171:32 pm

शिवसेनेत बंडखोरी सुरुच, शिवसेनेचे माजी शाखाप्रमुख अभिषेक सावंत यांच्या पत्नी आदिती सावंत वॉर्ड क्र. २००मधून अपक्ष म्हणून निवडणूक लढवणार

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 3, 2017 1:29 pm

Web Title: mumbai bmc election 2017 nomination filing day shiv sena bjp
Next Stories
1 महिलाराज!; मुंबई महापौरपद खुला प्रवर्गासाठी, ठाणे, कल्याण-डोंबिवली, पुणे महिलांसाठी राखीव
2 BMC Election 2017: भाजपची पहिली यादी जाहीर; दादरमध्ये शिवसेनेला आणखी एक धक्का
3 आर्थिक सर्वेक्षणातून ‘बोबड्या माफियां’वर अंगठा चोखायची वेळ: शिवसेना
Just Now!
X