कोळसा विकून ‘ही’ कंपनी बनली मालामाल, तीन महिन्यांत थोडे थोडके नव्हे, तर कमावले ‘इतके’ कोटी रुपये

नफा आणि महसूल वाढणार

कोल इंडियाने शुक्रवारी सप्टेंबर तिमाहीचे निकाल जाहीर केले. गेल्या वर्षीच्या याच तिमाहीच्या तुलनेत १२.५ टक्के वाढीसह कंपनीने ६८०० कोटी रुपयांचा नफा कमावला आहे. महसुलाबद्दल बोलायचे झाल्यास गेल्या वर्षीच्या याच तिमाहीच्या तुलनेत तो १० टक्क्यांनी वाढून ३२,७७६.४१ कोटी रुपये झाला आहे. कंपनी बोर्डाने चालू आर्थिक वर्षासाठी १५.२५ रुपये प्रति शेअर अंतरिम लाभांश देण्याची शिफारस केली आहे. कोळसा प्रमुखांनी यासाठी २१ नोव्हेंबर ही रेकॉर्ड डेट निश्चित केली आहे.

हेही वाचाः भारताला तैवानकडून दिवाळीच्या सणातच गुड न्यूज, चीनचा विरोध झुगारून १ लाखांहून अधिक भारतीयांना देणार रोजगार

उत्पादनात वाढ

कंपनीने EBITDA मध्ये १२ टक्‍क्‍यांनी वाढ नोंदवली आहे आणि ती ८,१३७ कोटी रुपयांपर्यंत वाढली आहे. ऑपरेटिंग मार्जिन ४३ बेसिस पॉइंटने वाढून २४.८३ टक्क्यांवर पोहोचला आहे. सप्टेंबर तिमाहीत कंपनीचे एकूण उत्पादन १५७.४३ दशलक्ष टन होते, जे एका वर्षापूर्वी १३९.२३ दशलक्ष टन होते आणि तिमाहीपूर्वी १७५.४८ दशलक्ष टन होते. खाणीतून १७३.७३ दशलक्ष टन कोळसा उचलला गेला, जो एका वर्षापूर्वी १५४.५३ दशलक्ष टन होता आणि गेल्या तिमाहीत १८६.९५ दशलक्ष टन होता.

हेही वाचाः Money Mantra : दिवाळीपूर्वीच EPFO ​​खातेदारांना गिफ्ट, व्याजाचे पैसे खात्यात जमा होण्यास सुरुवात, ‘अशा’ पद्धतीनं बॅलन्स तपासा

किती कर भरला?

या तिमाहीत इतर स्त्रोतांकडून मिळकत १९८४ कोटी रुपये होती, जी एका वर्षापूर्वी १७६१ कोटी रुपये होती. एकूण खर्च २६,००० कोटी रुपये होता, तर वर्षभरापूर्वी तो २३,७७० कोटी रुपये होता. सप्टेंबर तिमाहीत निव्वळ कर खर्च वाढून २,०३६.५१ कोटी झाला आहे, जो मागील वर्षीच्या १,६४३.४९ कोटी होता. सप्टेंबरमध्ये संपलेल्या सहा महिन्यांचा महसूल वार्षिक तुलनेत ६ टक्क्यांनी वाढून ६८,७५९.६२ कोटी रुपये झाला, तर नफा जवळपास १ टक्क्यांनी घसरून १४,७७१ कोटी रुपयांवर आला. नॅशनल स्टॉक एक्सचेंजमध्ये जगातील सर्वात मोठ्या कोळसा कंपनीचे शेअर्स ३२३.४० रुपयांवर बंद झाले.