scorecardresearch

Premium

‘मुलाने क्रिप्टो-लालसेत सारे काही गमावले !’, युरोपीय मध्यवर्ती बँकेच्या प्रमुख लगार्ड यांची जाहीर कबुली

लगार्ड यांनी सुरूवातीपासूनच क्रिप्टो चलनाच्या विरोधात उघड भूमिका घेतली आहे. आता त्यांनी त्यांच्या पुत्राचे यात हात पोळले असल्याचे जाहीर केले आहे.

ECB chief, Lagarde admits, son, investments, crypto
‘मुलाने क्रिप्टो-लालसेत सारे काही गमावले !’, युरोपीय मध्यवर्ती बँकेच्या प्रमुख लगार्ड यांची जाहीर कबुली ( image courtesy – reuters )

वृत्तसंस्था, फ्रँकफर्ट

जगाला वेड लावणारे आभासी चलन अर्थात क्रिप्टोकरन्सी या मालमत्ता प्रकारात युरोपीय मध्यवर्ती बँकेच्या (ईसीबी) अध्यक्षा ख्रिस्तिन लगार्ड यांच्या पुत्रालाही पछाडले आणि यातून त्याने त्याची जवळपास सगळी गुंतवणूक मत्ता गमावली, वारंवार सावधगिरीचा इशारा देऊनही हे घडले, अशी खुद्द लगार्ड यांनीच कबुली दिली.

Rahul Gandhi in Amethi Bharat Jodo Nyay Yatra
पत्रकाराच्या मालकाची जात विचारल्यामुळे राहुल गांधी अडचणीत; पत्रकार संघटनांकडून निषेध
alexei navalny marathi news, alexei navalny death marathi news, russian opposition leader alexei navalny marathi news
अकस्मात मृत्यू की राजकीय हत्या? पुतिनविरोधक अलेक्सी नवाल्नी यांना संपवण्याचे कारण काय? जगभर त्यांच्या लोकप्रियतेचे रहस्य काय?
Nikhil Wagle
ज्येष्ठ पत्रकार निखिल वागळे यांच्यावरील हल्ल्याचा विविध स्तरांतून निषेध
CAPF
केंद्रीय सशस्त्र पोलीस दलात महिलांनाही प्रोत्साहन, प्रसूती रजेसह ‘या’ सुविधाही मिळणार; केंद्रीय मंत्र्यांनी दिली माहिती

लगार्ड यांनी सुरूवातीपासूनच क्रिप्टो चलनाच्या विरोधात उघड भूमिका घेतली आहे. हे आभासी डिजिटल चलन जोखीमपूर्ण, बिनकामाचे आणि गुन्हेगारांकडून बेकायदा कृत्यासाठी वापर होणारे आहे, असे त्यांचे मत आहे. आता त्यांनी त्यांच्या पुत्राचे यात हात पोळले असल्याचे जाहीर केले आहे. त्या म्हणाल्या, ‘मी मुलाला सावधगिरीचा इशारा दिला होता मात्र, त्याने ऐकले नाही. त्याने आभासी चलनात गुंतविलेली जवळपास सगळी रक्कम गमावली. ही रक्कम फार मोठी नव्हती. परंतु, त्याच्या एकूण मालमत्तेपैकी ६० टक्के होती. मी नंतर त्याच्याशी संवाद साधला त्यावेळी त्याने माझी भूमिका बरोबर होती, असेही मान्य केले.’

लगार्ड यांना तिशीतील दोन मुले आहेत. त्यापैकी नेमक्या कोणत्या मुलाने आभासी चलनात पैसे गमावले हे त्यांनी स्पष्ट केले नाही. युरोपीय मध्यवर्ती बँकेने आभासी चलनावर जागतिक नियंत्रण आणण्याची जाहीर भूमिका घेतली आहे. आभासी चलनाचे धोके माहिती नसलेल्या ग्राहकांचे संरक्षण करायला हवे, असे बँकेचे म्हणणे आहे. आभासी चलनातील कच्चे दुवे वापरून दहशतवाद्यांना आर्थिक रसद मिळत आहे आणि गुन्हेगार करचुकवेगिरी करीत आहेत, त्यामुळे त्यावर नियंत्रण आणावे, अशीही बँकेची भूमिका आहे.

तुमचे क्रिप्टो चलनाबाबत काहीही मत असू शकते. लोकांना त्यांचे पैसे कुठेही गुंतविण्याचे स्वातंत्र्य आहे. मात्र, लोकांना गुन्हेगारांकडून सुरू असलेला व्यापार आणि व्यवसायात सहभागी होण्याचे स्वातंत्र्य नाही. – ख्रिस्तिन लगार्ड, अध्यक्षा, युरोपीय मध्यवर्ती बँक

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ecb chief lagarde admits her son lost nearly everything he invested in crypto print eco news asj

First published on: 28-11-2023 at 07:48 IST

संबंधित बातम्या

तुम्ही या बातम्या वाचल्या आहेत का? ×