मुंबई : सरकारच्या मालकीची नवरत्न कंपनी इंडियन ऑइल कॉर्पोरेशनने मंगळवारी जानेवारी-मार्च तिमाहीचा निव्वळ नफा वार्षिक तुलनेत निम्म्याने घटल्याचे जाहीर केले. आंतरराष्ट्रीय स्तरावर खनिज तेलाच्या किमती वाढत असताना, निवडणुकांच्या तोंडावर सरलेल्या मार्चमध्ये झालेल्या पेट्रोल-डिझेल दरकपातीची कंपनीच्या नफाक्षमतेला मोठी किंमत मोजावी लागल्याचे तिमाही आकडेवारी स्पष्ट करते.  

हेही वाचा >>> भारत वैश्विक ‘सेवा आगार’ बनेल ! निर्यात २०३० पर्यंत ८०० अब्ज डॉलरवर जाण्याचा गोल्डमन सॅक्सचा आशावाद

May PMI at 5 month low
सेवा क्षेत्रही मरगळीकडे! मेचा ‘पीएमआय’ ५ महिन्यांच्या नीचांकांवर
BEST, collapse, employees,
भविष्यात बेस्टची बस सेवा कोलमडण्याची शक्यता, मे महिन्यात ५५६ कर्मचारी निवृत्त
india s annual gdp growth at 8 2 percent
वार्षिक ‘जीडीपी’ वाढ ८.२ टक्क्यांवर; जानेवारी-मार्च तिमाहीत मात्र ७.८ टक्क्यांवर घसरण
reserve bank s balance sheet rises 11 percent to rs 70 47 lakh cr in fy24
रिझर्व्ह बँकेचा ताळेबंद पाकिस्तान, बांगलादेशच्या एकत्रित ‘जीडीपी’ला वरचढ, मार्च २०२४ अखेर ११ टक्क्यांनी वाढून ७०.४७ लाख कोटी रुपयांवर
lic preparation for expansion in health insurance sector
‘एलआयसी’ आरोग्य विम्यात विस्ताराच्या तयारीत
about rs 1 91 lakh crores worth of common people lying unclaimed in different investment plan
जनसामान्यांची सुमारे १.९१ लाख कोटींची संपत्ती दाव्याविना पडून; बँक ठेवी, शेअर्स, म्युच्युअल फंड, पीएफचा प्रचंड पैशाला हक्कदारच नाही!
delhi election
दिल्लीमध्ये मतदानात ६ टक्के घसरण; यंदा ५४.४८ टक्के मतदान; २०१९ मध्ये ६०.६० टक्के मतदान
Paytm loss at five and a half billion
पेटीएमचा तोटा साडेपाच अब्जांवर; रिझर्व्ह बँक निर्बंधांचा पुढच्या तिमाहीतही फटका बसण्याचे संकेत

सरलेल्या जानेवारी ते मार्च तिमाहीमध्ये इंडियन ऑइलने ४,८३७.६९ कोटी रुपयांचा निव्वळ नफा कमावला, जो वर्षापूर्वी याच तिमाहीत १०,०५८.६९ कोटी रुपये होता. तर आधीच्या ऑक्टोबर-डिसेंबर तिमाहीत तो ८,०६३.३९ कोटी रुपये  होता, असे कंपनीने शेअर बाजाराकडे दाखल केलेल्या तिमाही निकालांतून स्पष्ट होते. गेल्या महिन्यात जगभरात तेलाच्या किमती वाढल्या असतानाही पेट्रोल आणि डिझेलच्या दरात प्रत्येकी २ रुपये कपात सरकारने मतपेटीवर डोळा ठेऊन केली. जवळपास दोन वर्षांनंतर मोदी सरकारकडून केली गेलेली ही कपात खूपच तुटपूंजी असली तरी त्याचा कंपनीच्या ताळेबंदावरील परिणाम मात्र मोठा असल्याचे ताजी आकडेवारी स्पष्ट करते. तसेच, सरकारने घरगुती स्वयंपाकाच्या गॅसच्या (एलपीजी) किमती रोखून धरल्याने झालेल्या १,०१७ कोटी रुपयांच्या तोट्याची भरपाई देण्यात आलेली नाही, असे कंपनीने स्पष्ट केले आहे.

हेही वाचा >>> वसूल केलेले जास्तीचे व्याज ग्राहकांना परत करण्याचे बँकांना आदेश; रिझर्व्ह बँकेचा व्याज वसुलीच्या बँकांतील कुप्रथांवर प्रहार

दरम्यान, २०२३-२४ या संपूर्ण आर्थिक वर्षात, देशातील या सर्वात मोठ्या तेल कंपनीने ३९,६१८.८४ कोटी रुपयांचा आतापर्यंतचा सर्वोच्च निव्वळ नफा कमावला आहे, जो २०२१-२२ मध्ये नोंदवल्या गेलेल्या तोपर्यंतच्या सर्वाधिक म्हणजे २४,१८४.१० कोटी रुपयांपेक्षाही अधिक आहे. एलपीजीवरील सरलेल्या आर्थिक वर्षातील १,०१७ कोटी रुपयांच्या नुकसानभरपाईशिवाय, कंपनी मागील वर्षांतील ४,७९६ कोटी रुपयांच्या न झालेल्या भरपाईचाही भार वाहत आहे. कंपनीने भागधारकांना प्रति समभाग ७ रुपये अंतिम लाभांश घोषित केला आहे, जो वर्षभरात दिल्या गेलेल्या प्रति समभाग ५ रुपये अंतरिम लाभांशाच्या व्यतिरिक्त दिला जाणार आहे.