Commercial LPG Cylinder Price Today: एलपीजी गॅस सिलिंडर म्हणजे सामान्यांच्या अत्यंत जिव्हाळ्याचा विषय. गॅसच्या किंमती वरखाली होतात तसा सामान्य घरांमधला महिन्याचा ताळेबंद वरखाली होत असतो. त्यामुळे सामान्य घरांचं लक्ष दर महिन्याच्या एक तारखेकडे असतं. या दिवशी सिलेंडर्सच्या किंमतीमध्ये होणारे चढउतार त्यांच्या महिन्याच्या ‘अर्थसंकल्पा’वर परिणाम करणारे ठरतात. याही महिन्याच्या एक तारखेपासून एलपीजी सिलेंडर्सच्या किमतींमध्ये वाढ झाल्याचं पाहायला मिळत आहे. पण सामान्यांना त्याचा थेट फटका बसणार नाही. कारण ही दरवाढ फक्त व्यावसायिक गॅस सिलिंडर्सच्या किमतींमध्ये झालेली आहे.

एक मार्चपासून व्यावसायिक वापराच्या १९ किलो वजनाच्या एलपीजी सिलेंडर्सच्या किमतींमध्ये तब्बल २५ रुपये वाढ करण्यात आली आहे. त्यामुळे आता या सिलेंडर्सचे दर दिल्लीमध्ये १७९५ रुपये तर मुंबीत १७४९ रुपयांवर गेले आहेत. चेन्नई व कोलकात्यामध्ये हेच दर अनुक्रमे १९६० आणि १९११ रुपये इतके झाले आहेत. त्याचवेळी घरगुती वापराच्या नियमित सिलेंडर्सच्या किमतीमध्ये कोणतेही बदल करण्यात आलेले नाहीत.

Gold Silver Price on 12 April
Gold-Silver Price on 12 April 2024: सोने-चांदी महागले, १० ग्रॅम सोन्यासाठी मोजावे लागतायेत ‘एवढे’ पैसे
share market today
शेअर बाजारात नव्या उच्चांकाची गुढी; Sensex ची ७५००० हजारांच्या पुढे उसळी
Gold Silver Price
Gold-Silver Price on 1 April 2024: आर्थिक वर्षाच्या पहिल्या दिवशी सोन्या-चांदीच्या भावात तेजी, वाचा आजचे दर
navi mumbai, 12 year old boy killed
शरीर सूखासाठी १२ वर्षीय बालकाचा खून, नवी मुंबई पोलिसांनी १६ तासांत मारेकऱ्याला ताब्यात घेतले

सलग दुसऱ्या महिन्यात दरवाढ!

१ फेब्रुवारी रोजीही गॅस सिलेंडर पुरवठादार कंपन्यांनी व्यावसायिक वापराच्या सिलेंडर्सच्या किमती वाढवल्या होत्या. १ फेब्रुवारी रोजी १४ रुपयांनी या किमती वाढवण्यात आल्या होत्या. आता पुन्हा त्यात २५ रुपयांची वाढ करण्यात आली आहे.

१ मार्च रोजी व्यावसायिक सिलेंडर्सच्या किमती कुठे किती?

दिल्ली – १७९५
मुंबई – १७४९
कोलकाता – १९११
चेन्नई – १९६०.५०
चंदीगड – १८१६
बंगळुरू – १८९५
इंदौर – १९०१
अमृतसर – १८९५
जयपूर – १८१८
अहमदाबाद – १८१६