टीव्हीएस मोटर कंपनी आणि सुंदरम क्लेटन यांची सामाजिक कार्ये करणारे अंग असलेल्या ‘श्रीनिवासन सर्व्हिसेस ट्रस्ट’ने (एसएसटी) २००४ मध्ये आलेल्या त्सुनामीनंतर तामिळनाडूमध्ये सामाजिक कार्याला सुरुवात करून स्थानिक लोकांच्या सामाजिक, आर्थिक स्तर उंचावण्यात मोलाची मदत केली. टीव्हीएसने ‘एसएसटी’च्या माध्यमातून जलसंधारण, महिला बचतगट, आरोग्य आणि शिक्षणाच्या पायाभूत सुविधा, पर्यावरण रक्षण, कृषी आणि पशुधन उत्पन्न वाढ अशा विविध क्षेत्रात सुधारणांसाठी मदत केली आहे. ‘एसएसटी’द्वारे नियोजनापासून ते उपक्रमांच्या अंमलबजावणीपर्यंत कार्य केले जाते.
हेही वाचाः मोदी सरकार बीपीसीएलला विकून १८ हजार कोटी रुपये जमवणार
श्रीनिवासन सर्व्हिसेस ट्रस्टने तामिळनाडूतील गावांमध्ये जलसंधारण सुधारणेच्या प्रयत्नांमध्ये २१ कोटी रुपयांहून अधिक गुंतवणूक केली आहे. ज्यामुळे पाणी साठवण क्षमता १६० कोटी लिटर वाढवण्यास मदत झाली आहे. शिवाय, स्थानिक समुदायांच्या सक्रिय सहभागाने आणि राष्ट्रीय कृषी व ग्रामीण विकास बँक अर्थात नाबार्डच्या सहकार्याने, पाणलोट कार्यक्रम राबवून विविध जिल्ह्यांमध्ये लहान बंधारे आणि १०० हून अधिक तलावांची निर्मिती केली गेली आहे. याचबरोबर बचत गटाच्या माध्यमातून ‘ट्रूली कॉटेज’ या नाममुद्रेअंतर्गत शेतीशी संबंधित उत्पादने बाजारात आणली असून, आर्थिक वर्ष २०२२-२३ मध्ये त्याचा महसूल वार्षिक १.३ कोटींवर पोहोचला आहे.
हेही वाचाः मोदी सरकार बीपीसीएलला विकून १८ हजार कोटी रुपये जमवणार
समुदायाच्या सहभागातून गावांमध्ये शाश्वत विकास घडवून आणणे हे ‘एसएसटी’चे लक्ष्य आहे. महिला आणि मुलांचा विकास, पाण्याचे संवर्धन, सरकारी पायाभूत सुविधांचे नूतनीकरण करून सर्वांगीण आरोग्य आणि शिक्षणाच्या पायाभूत सुविधा उपलब्ध करून देणे आणि पर्यावरणाचे रक्षण याद्वारे शाश्वत समाजाची उभारणी करणे ही तिची मुख्य कार्यक्षेत्रे आहेत.
