होमी भाभा नॅशनल इन्स्टिटय़ूट, मुंबई येथे उपलब्ध असणाऱ्या अभियांत्रिकी विषयांतर्गत संशोधनपर पीएच. डी.साठी खाली नमूद केल्याप्रमाणे पात्रताधारक विद्यार्थी- उमेदवारांकडून अर्ज मागविण्यात येत आहेत.आवश्यक शैक्षणिक पात्रता : अर्जदारांनी मेकॅनिकल, केमिकल, मेटॅलर्जिकल, न्यूक्लीअर, इलेक्ट्रिकल, इलेक्ट्रॉनिक, इन्स्ट्रमेंटेशन वा कॉम्प्युटर इंजिनीअरिंगमधील पदव्युत्तर पदवी कमीतकमी ६० टक्के गुणांसह उत्तीर्ण केलेली असावी व त्यांचा शैक्षणिक आलेख चांगला असायला हवा.वयोमर्यादा : अर्जदारांचा जन्म १ ऑगस्ट १९८५च्या नंतर झालेला असावा.निवड प्रक्रिया : अर्जदारांपैकी पात्रताधारक उमेदवारांना लेखी निवड परीक्षेसाठी बोलाविण्यात येईल. त्यानंतर निवडक उमेदवारांना सादरीकरण व मुलाखतीसाठी बोलाविण्यात येऊन त्याआधारे त्यांची अंतिम निवड करण्यात येईल.निवड झालेल्या उमेदवारांना होमी भाभा नॅशनल इन्स्टिटय़ूटअंतर्गत भाभा अणू संशोधन केंद्र- मुंबई, इंदिरा गांधी सेंटर फॉर अॅटॉमिक रिसर्च कालपक्कम, व्हॅरिएबल एनर्जी सायक्लोट्रॉन सेंटर, कोलकाता व इन्स्टिटय़ूट फॉर प्लाझ्मा रिसर्च गांधीनगर येथे उपलब्ध असणाऱ्या के. एस. कृष्णन रिसर्च असोसिएटशिप योजनेअंतर्गत संशोधनपर पीएच. डी. करता येईल.शिष्यवृत्तीचा कालावधी व तपशील : वरील शिष्यवृत्तीसह संशोधनपर पीएच. डी. योजनेचा कालावधी ३ वर्षांचा असेल. त्यादरम्यान निवड झालेल्या संशोधक विद्यार्थ्यांना दरमहा २४००० रुपये शिष्यवृत्ती देण्यात येईल. याशिवाय त्यांना घरभाडे भत्ता व वैद्यकीय सुविधाही उपलब्ध होतील.अर्जाचा नमुना व तपशील : अर्जाचा नमुना व अधिक तपशिलासाठी होमी भाभा नॅशनल इन्स्टिटय़ूटच्या www.hbni.ac.in या संकेतस्थळाला भेट द्यावी.अर्ज पाठविण्याचा पत्ता व शेवटची तारीख : विहित नमुन्यातील संपूर्णपणे भरलेले व आवश्यक तो तपशील व कागदपत्रांसह असणारे अर्ज एचबीएनआय- डीजीएफएस प्रोग्रॅम ऑगस्ट २०१३ (इंजिनीअरिंग पोस्ट ग्रॅज्युएटस) अॅडमिनिस्ट्रेटिव्ह ऑफिसर -३ एचबीएनआय, ट्रेनिंग स्कूल कॉम्प्लेक्स, अणुशक्तीनगर, मुंबई-९४ या पत्त्यावर पाठविण्याची शेवटची तारीख १० मे २०१३.इंजिनीअरिंगमधील ज्या पदव्युत्तर पात्रताधारक उमेदवारांना होमी भाभा नॅशनल इन्स्टिटय़ूटसारख्या प्रतिष्ठित संस्थेतील संशोधनपर पीएच.डी.सह आपले भविष्य घडवायचे असेल अशांनी या संधीचा जरूर लाभ घ्यावा.
