सुहास पाटील एडसिल इंडिया लिमिटेड (EdCIL) (शिक्षण मंत्रालय, भारत सरकार अंतर्गत सेंट्रल पब्लिक सेक्टर अंडरटेकिंग ( CPSE) मार्फत रॉयल गव्हर्न्मेंट ऑफ भूतानच्या हायर सेकंडरी स्कूल्समध्ये भारतीय पोस्ट ग्रॅज्युएट टिचर्सची ‘ STEM TEACHER’ पदांवर करार पद्धतीने भरती. निवडलेल्या उमेदवारांना सुरुवातीला २ वर्षांकरिता नेमणूक दिली जाईल. त्यानंतर भूतान सरकार आणि उमेदवार यांच्या सहमतीने नेमणुकीचा कालावधी वाढविला जाईल. एकूण रिक्त पदे - १००. विषयनिहाय रिक्त पदांचा तपशील - (१) PGT कॉम्प्युटर सायन्स/ आयसीटी/ आयटी - २८ पदे. (२) PGT फिजिक्स - १८ पदे. (३) PGT केमिस्ट्री - १९ पदे. (४) PGT मॅथेमॅटिक्स - ३५ पदे. पात्रता - (दि. १६ जानेवारी २०२४ रोजी) ( i) संबंधित विषयातील पदव्युत्तर पदवी किमान ६० टक्के गुणांसह उत्तीर्ण. ( ii) PGT फिजिक्स, PGT केमिस्ट्री, PGT मॅथेमॅटिक्स बॅचलर ऑफ एज्युकेशन ( B. Ed.) पदवी अनिवार्य आहे. PGT कॉम्प्युटर सायन्स/आय्सीटी पदांकरिता B. Ed. उमेदवारांस प्राधान्य देण्यात येईल. ( iii) इंग्रजी भाषेत शिकविण्याचे कौशल्य अवगत असावे. ( iv) ११ वी/१२ वीला संबंधित विषय शिकविण्याचा किमान ५ वर्षांचा अनुभव असावा. ( v) शिक्षण क्षेत्रातील उच्च दर्जाचे तंत्रज्ञान अवगत असावे. ( vi) वयोमर्यादा ५५ वर्षेपर्यंत. वेतन - उमेदवारांना हजर झाल्या दिनांकापासून दरमहा रु. १,४०,०००/- वेतन दिले जाईल. उमेदवारांना वर्क परमिट मिळविण्यासाठी लागणारे सर्व सहाय्य भूतान गव्हर्न्मेंट देणार आहे. रजा, वैद्याकीय सुविधा, प्रवासाचा खर्च ( Travel Passage) आणि इतर अटी करारात नमूद केल्याप्रमाणे असतील. सरकारी संस्थांमध्ये काम करणाऱ्या उमेदवारांना NOC/ VIGILANCE/ SERVICE Certificate कागदपत्र पडताळणी/इंटरह्यूच्या वेळी सादर करावे लागेल. निवड पद्धती - शैक्षणिक अर्हता, अनुभव इ. पाहून शॉर्ट लिस्टेड उमेदवारांचा ऑनलाइन इंटरह्यू घेवून निवडलेल्या उमेदवारांची प्रत्यक्ष मुलाखत फिजिकल (इंटरह्यू) घेतली जाईल. शॉर्ट लिस्टेड उमेदवारांना इंटरह्यूची तारीख, ठिकाण, प्रत्यक्ष मुलाखतीची तारीख इ. त्यांच्या ई-मेलवर कळविण्यात येतील. प्रत्यक्ष मुलाखत नवी दिल्ली येथे आयोजित केल्या जातील. शंकासमाधानासाठी हेल्प डेस्क नंबर ( ९१) ८१३००१३२६५ वर सोमवार ते शुक्रवार सकाळी १० ते संध्याकाळी ५ वाजेपर्यंत संपर्क साधावा किंवा helpsecondment@edcil. co. in वर ई-मेल करावा. ज्या उमेदवारांनी EdCIL/ Bhutan Secondment - STEM Teachers/०३-२०२३/०१ या EdCIL ने जारी केलेल्या जाहिरातीनुसार अर्ज केलेले उमेदवार सदरच्या भरतीसाठी पात्र नाहीत. ऑनलाइन अर्ज http:// edcilteacherrecruitment. com या संकेतस्थळावर दि. १५ फेब्रुवारी २०२४ (२३.०० वाजे)पर्यंत करावेत. ऑनलाइन अर्जासोबत फोटोग्राफ आणि सिग्नेचर स्कॅन करून अपलोड करावेत. ऑनलाइन अर्जाची प्रिंटआऊट त्यावर अलिकडच्या काळात ३ आठवड्यांपर्यंत काढलेला फोटोग्राफ चिकटवून कागदपत्र पडताळणीच्या वेळी इतर मूळ कागदपत्रांसह सादर करणे अनिवार्य आहे.
