दागेस्तान प्रांतातील विशेष कारवाईत रशियन सैन्याने पाच संशयित दहशतवाद्यांना कंठस्नान घातले. मात्र या कारवाईत एका रशियन जवानास वीरमरण आले. या दहशतवाद्यांमध्ये, अझरबैजानचा नागरिक असलेल्या तुरल अतायेव्ह या कुख्यात स्थानिक अतिरेक्याचा समावेश आहे. दागेस्तान प्रांतातील एका गावात काही अतिरेकी लपून बसले असल्याची माहिती रशियाच्या दहशतवादविरोधी पथकास मिळाली. त्या अतिरेक्यांनी शरण यावे म्हणून सैन्याने प्रयत्न केले, मात्र अतिरेक्यांनी सैनिकांवर अंदाधुंद गोळीबार केला. अखेर प्रत्युत्तरादाखल लष्कराने गोळीबार केला. त्यामध्ये पाच दहशतवादी ठार झाल्याची माहिती अधिकाऱ्यांनी दिली.
