पत्नीसोबत प्रेमसंबंध असल्याचा संशय असणाऱ्या व्यक्तीची हत्या करुन पतीने आत्महत्या केल्याची घटना समोर आली आहे. दक्षिण दिल्लीत रविवारी रात्री हा प्रकार घडला. एका महिन्यापूर्वी पत्नी मुलांसोबत घर सोडून माहेरी गेली होती. तेव्हापासून ही व्यक्ती मानसिक तणावात होती अशी माहिती पोलिसांनी दिली आहे. रविवारी शहल आपल्या पत्नीला भेटण्यासाठी गेला होता. तेथून घरी परतत असतानाच एका २५ वर्षीय इमरानने त्याला सोबत दिली. यावेळी इमरानचे पत्नीसोबत प्रेमसंबंध असल्याचा संशय शहलला झाला. यानंतर दुसऱ्याच रात्री शहलच्या घरात इमरानचा मृतदेह सापडला. शहलच्या घऱात रात्री कोणीतरी ओरडल्याचा आवाज झाला. शहलच्या आई पळत त्याच्या खोलीकडे गेली असताना इमरान बेशुद्ध अवस्थेत आढळला. विचारलं असता त्याने आपण हत्या केल्याचं म्हटलं. मध्यस्थी करण्याचा प्रयत्न करणाऱ्या आई आणि भावालाही शहलने मारहाण केला. आपला बचाव करण्यासाठी दोघे खाली पळाले असता शहलने गळफास लावून आत्महत्या केली अशी माहिती पोलिसांनी दिली आहे. आणखी वाचा- पती घरात पुतणीची हत्या करत असताना पत्नी घराबाहेर देत होती पहारा, धक्कादायक घटनेने पोलीसही चक्रावले "शहलच्या बहिणीने दिलेल्या तक्रारीच्या आधारे गुन्हा दाखल करण्यात आला आहे. शहलची आई आणि भाऊ जखमी झाले आहेत. शहलच्या हिंसक वृत्ती आणि मानसिक स्थितीची शेजाऱ्यांना कल्पना होती," असं पोलिसांनी म्हटलं आहे.
