24 November 2020

News Flash

भेदभाव होत असल्याचा आरोप करत रविशंकर प्रसाद यांचं थेट झुकरबर्ग यांना पत्र; म्हणाले…

यापूर्वी व्यवस्थापनाकडून प्रतिसाद न मिळाल्याचा दावा

फेसबुककडून भाजपाला पोषक वातावरण तयार केल्याचे आरोप एकीकडे काँग्रेसकडून करण्यात येत आहे. तर दुसरीकडे भाजपा नेते आणि केंद्रीय मंत्री रविशंकर प्रसाद यांनी फेसबुकचे मुख्य कार्यकारी अधिकारी मार्क झुकरबर्ग यांना पत्र लिहून मोठे आरोप केले आहे. या सर्व आरोपांमध्ये त्यांचं पत्र महत्त्वाचं मानलं जात आहे. दरम्यान, भारतातील फेसबुकची टीम राजकीय विचारांवर भेदभाव करत असल्याचा आरोप त्यांनी पत्राद्वारे केला आहे.

“फेसबुकची भारतातील टीम राजकीय विचारांच्या आधारे भेदभाव करत आहे. फेसबुकचे कर्मचारी पंतप्रधान नरेंद्र मोदी आणि ज्येष्ठ केंद्रीय नेत्यांप्रती अपशब्दांचा वापर करतात. तसंच आम्हाला मिळालेल्या माहितीनुसार फेसबुकचे भारतील कर्मचारी एका विशिष्ठ राजकीय विचारांचे आहेत,” असं रविशंकर प्रसाद यांनी पत्रात नमूद केलं आहे.

२०१९ च्या निवडणुकीपूर्वी फेसबुक इंडिया व्यवस्थापनाने उजव्या विचारसरणीच्या समर्थकांचे फेसबुक पेज हटवले किंवा त्यांची पोहोच कमी केली, असंही प्रसाद यांनी पत्रात नमूद केलं आहे. “फेसबुकनं निष्पक्ष असायला हवं. कोणत्याही संस्थेत काम करणाऱ्या व्यक्तींना काही आवडत असेल किंवा नसेल. परंतु संस्थेच्या पॉलिसीवर त्याचा कोणताही परिणाम होऊ नये,” असंही त्यांनी स्पष्ट केलं आहे.

यापूर्वी प्रतिसाद नाही

“या प्रकरणी यापूर्वीही फेसबुकच्या व्यवस्थापनाला मेल केला होता. परंतु त्याचा कोणताही प्रतिसाद मिळाला नाही. कोट्यवधी लोकांच्या अभिव्यक्ती स्वातंत्र्यावर जर विशिष्ट राजकीय विचारसरणी थोपवण्याचा प्रयत्न झाला तर ते स्वीकारलं जाणार नाही,” असंही प्रसाद यांनी स्पष्ट केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 1, 2020 9:23 pm

Web Title: bjp leader minister ravishankar prasad writes letter to facebook ceo mark zuckerbeg over political bias india jud 87
Next Stories
1 युद्धजन्य स्थिती निर्माण करण्यामागे चीनचं ‘हे’ आहे कारण; १९६२ मध्येही अशीच होती परिस्थिती
2 एलओसीवरील रामपूर सेक्टरमध्ये मोठ्याप्रमाणावर शस्त्रसाठा हस्तगत
3 लष्कराच्या ‘या’ रेजिमेंटनं उधळून लावला चीनच्या घुसखोरीचा डाव
Just Now!
X