26 February 2021

News Flash

गुजरात – काँग्रेसने अहमद पटेल यांची जागाही गमावली; भाजपाने दोन्ही जागा बिनविरोध जिंकल्या

राज्यसभा निवडणुकीत भाजपाचे दिनेशचंद्र अनावाडिया आणि रामभाई मोकारिया विजयी

गुजरातमधील राज्यसभेच्या दोन्ही जागांवर भाजपाने बिनविरोध जिंकल्या आहेत. तर, काँग्रेसने अहमद पटेल यांची जागा देखील गमावली आहे. भाजपाचे दिनेशचंद्र जमलभाई अनावाडिया आणि रामभाई हरजीभाई मोकारिया यांनी विजय मिळवला आहे. निवडणूक अधिकारी सी बी पांड्या यांनी काल (सोमवार) अनावाडिया व मोकारिया यांच्या बिनविरोध निवडीची घोषणा केली. उमेदवारी परत घेण्यासाठी कालचा शेवटचा दिवस होता.

गुजरातमधील या दोन्ही जागा काँग्रेसचे नेते अहमद पटेल आणि भाजपाचे अभय भारद्वाज यांच्या निधनामुळे रिक्त झाल्या होत्या. अहमद पटेल यांचा करोनाशी निगडीत समस्यांमुळे मागील वर्षी २५ नोव्हेंबर रोजी मृत्यू झाला आहे. १९९३ पासून ते त्या जागेवरून खासदार होते. तर दुसरी जागा भाजपा सदस्य अभय भारद्वाज यांच्या निधनामुळे रिक्त झाली होती. ते पहिल्यांदा २०१९ मध्ये राज्यसभेवर निवडून गेले होते. त्यांचे १ डिसेंबर रोजी करोनामुळे निधन झाले आहे.

भाजपाचे दोन डमी उमेदवार रजनीकांत पटेल आणि किरीट सोलंकी यांनी शनिवारी आपला उमेदवारी अर्ज परत घेतला होता. राज्यसभेच्या दोन्ही जागांसाठी पोटनिवडणूक स्वतंत्र होणार होती. १८२ सदस्यीय विधानसभेत काँग्रेसकडे ६५ आमदार व तर भाजपाचे १११ आमदार आहेत. असल्याने काँग्रेसच्या विजयाची शक्यता फारच धुसर होती. त्यामुळे काँग्रेसकडून एकाही उमेदवारास मैदानात उतरवण्यात आले नव्हते.

राज्यसभा निवडणुकीत काँग्रेसला झटका बसला आहे. काँग्रेसच्या वाट्याची एक जागा देखील भाजपाकडे गेली आहे. काँग्रेसचे ज्येष्ठ नेते आणि सोनिया गांधी यांचे खास अहमद पटेल यांची ती जागा होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 23, 2021 8:55 pm

Web Title: bjp wins both seats from gujarat in rajya sabha bypolls msr 87
Next Stories
1 महाराष्ट्र आणि अन्य राज्यातील करोना वाढीचा परस्पराशी संबंध नाही
2 ‘थँक्यू गुजरात’, महापालिका निवडणूक निकालानंतर पंतप्रधान मोदींची पहिली प्रतिक्रिया
3 करोना रुग्ण संख्येत चिंताजनक वाढ, पंतप्रधान कार्यालयात बैठक
Just Now!
X