03 June 2020

News Flash

कठुआ बलात्कार प्रकरणात सुप्रीम कोर्टाचा हस्तक्षेप, बेशिस्त वकिलांना दणका

कठुआ सामूहिक बलात्कार आणि हत्या प्रकरणाविषयी संपूर्ण देशातून संतापाची भावना व्यक्त होत असताना आता सर्वोच्च न्यायालयानेही या प्रकरणाची दखल घेतली आहे.

सर्वोच्च न्यायालय

कठुआ सामूहिक बलात्कार आणि हत्या प्रकरणाविषयी संपूर्ण देशातून संतापाची भावना व्यक्त होत असताना आता सर्वोच्च न्यायालयानेही या प्रकरणाची दखल घेतली आहे. आरोपींविरोधात आरोपपत्र दाखल करण्यापासून रोखण्याचा प्रयत्न झाल्यामुळे सर्वोच्च न्यायालयाने जम्मू-काश्मीरच्या बार काऊंन्सिलला नोटीस बजावली आहे. जम्मू हायकोर्ट बार असोशिएशन आणि कठुआ जिल्हा बार असोशिएशनने बलात्कार प्रकरणात आरोपपत्र दाखल करायला विरोध केला तसेच पीडित मुलीचे प्रतिनिधीत्व करणाऱ्या वकिलाच्या मार्गात अडथळा आणले या सर्वांची सर्वोच्च न्यायालयाने अत्यंत गंभीर दखल घेतली आहे.

सर्वोच्च न्यायालयाचे मुख्य न्यायमूर्ती दिपक मिश्रा यांच्या अध्यक्षतेखालील खंडपीठाने ज्यांना नोटीस बजावली आहे त्यांना १९ एप्रिलपर्यंत उत्तर देण्यास सांगितले आहे. आरोपपत्र दाखल करायला विरोध करणे किंवा पीडित मुलीच्या वकिलाच्या मार्गात अडथळे आणणे कायद्याला धरुन नाही हे अयोग्य आहे असे न्यायमूबर्तींनी म्हटले आहे.

काश्मीरमध्ये सोमवारी एका समाजाच्या वकिलांनी या बलात्कार प्रकरणातील सात आरोपींविरोधात आरोपपत्र दाखल करण्यापासून जम्मू-काश्मीर पोलिसांना रोखण्याचा प्रयत्न केला. संपूर्ण देशातून या घटनेचा निषेध होत असून अनेक सेलिब्रिटी, नेते आणि सर्वसामान्यांनी आरोपींना कठोरात कठोर शिक्षा झाली पाहिजे अशी मागणी केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 13, 2018 4:20 pm

Web Title: kathua gangrape murder case supreme court
टॅग Supreme Court
Next Stories
1 सानियाच्या नागरिकत्वावर प्रश्नचिन्ह उपस्थित करणाऱ्याला मिळालं चोख उत्तर
2 संभाजी भिडेंना रोखा, अन्यथा महाराष्ट्राचा कठुआ – उन्नाव होईल – तुषार गांधी
3 स्मृती इराणी आता पंतप्रधान नरेंद्र मोदींनाही बांगड्या पाठवणार का?-हार्दिक पटेल
Just Now!
X