निदर्शने करण्यावरून पाटीदार समाजात दोन गट
इतर मागासवर्गीय संवर्गातून आरक्षणाच्या मागणीसाठी पाटीदार समाजाचे गुजरातमध्ये आंदोलन सुरू असतानाच, २५ सप्टेंबर रोजी संयुक्त राष्ट्रसंघाबाहेर पंतप्रधान नरेंद्र मोदी यांच्याविरुद्धच्या प्रस्तावित मेळाव्याला अमेरिकेतील एका नामवंत पाटीदार गटाने विरोध केला आहे, तर दुसऱ्या संघटनेने मोदी यांच्या सिलिकॉन व्हॅलीच्या भेटीदरम्यान निदर्शने करण्याची धमकी दिली आहे.
मोदी हे २३ ते २८ सप्टेंबरदरम्यान अमेरिकेच्या दौऱ्यावर असून ते संयुक्त राष्ट्रसंघात भाषण करण्याचीही अपेक्षा आहे. नॉर्थ कॅरोलिनातील बलदेव ठाकोर यांच्या नावाने जारी केलेल्या प्रसिद्धीपत्रकात गुजरात पाटीदार समाजाने मोदी यांना पाठिंबा जाहीर केला आहे. विदेशातील पाटीदार समाजाचे सदस्य म्हणून आम्ही या प्रस्तावित मेळाव्याचा निषेध करतो. ही राजकीय चिखलफेक असून आम्ही त्यात सहभागी होऊ इच्छित नाही, असे या पत्रकात म्हटले आहे.
तथापि, पाटीदार समाजाच्या दुसऱ्या एका गटाने मोदी यांच्या पुढील आठवडय़ात कॅलिफोर्नियातील सिलिकॉन व्हॅलीत होणाऱ्या भेटीच्या वेळी निदर्शने करण्यासाठी बैठक घेतली.
संग्रहित लेख, दिनांक 22nd Sep 2015 रोजी प्रकाशित
मोदींच्या अमेरिका दौऱ्याला विरोध करण्यावरून वाद
मोदी यांच्या सिलिकॉन व्हॅलीच्या भेटीदरम्यान निदर्शने करण्याची धमकी दिली आहे.
Written by झियाऊद्दीन सय्यदझियाउद्दीन सय्यद

First published on: 22-09-2015 at 03:11 IST
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Key patel groups in us supports narendra modi but another plans protest