News Flash

मर्सिडीज, बुगाटी आणि पोर्शेची धडक; कोटींच्या घरात असलेला नुकसानाचा आकडा ऐकून धक्का बसेल

सुदैवाने अपघातात कोणतीही जीवितहानी नाही

(Photo Courtesy: Facebook)

स्वित्झर्लंडमध्ये कार अपघात झाला असून यामध्ये झालेल्या नुकसानाचा आकडा ऐकून तुम्हाला धक्का बसेल. या अपघातात मर्सिडीज, बुगाटी आणि पोर्शे कारचा समावेश आहे. पोलिसांनी दिलेल्या माहितीनुसार, गोथार्ड पास येथे एकमेकांना ओव्हरटेक करण्याच्या नादात हा अपघात झाला. अपघातात तब्बल चार मिलियन डॉलर्सचं म्हणजेच जवळपास ३० कोटींचं नुकसान झालं आहे. डेली मेलने यासंबंधी वृत्त दिलं आहे.

अपघातात मर्सिडीज, बुगाटी आणि पोर्शे या तिन्ही गाड्याचं नुकसान झालं आहे. वृत्तानुसार, ओव्हरटेक करत असताना गाड्यांनी एकमेकांना धडक दिली. बुगाटी आणि पोर्शे यांनी एकाच वेळी मर्सिडीजला ओव्हरटेक करण्याचा प्रयत्न केला. याच प्रयत्नात त्यांनी एकमेकांना धडक दिली आणि हा अपघात झाला. यानंतर बुगाटीने मर्सिडीजला ठोकलं.

पोलिसांनी दिलेल्या माहितीनुसार, या अपघात चार मिलियन डॉलर्सचं नुकसान झालं आहे. बचावकार्यासाठी पोलिसांनी रस्ता तात्पुरता बंद केला होता. अपघातात पोर्शेचं सर्वात जास्त नुकसान झालं आहे. सुदैवाने या अपघातात कोणतीही जीवितहानी झालेली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 17, 2020 4:29 pm

Web Title: mercedes bugatti and porsche crash causing 4 million damage in switzerland sgy 87
Next Stories
1 भाजपा नेत्याला दारूची तस्करी करताना अटक
2 श्याम रजक यांनी पाठ फिरवताच जदयूनं दिला राजदला धक्का; तीन आमदार करणार पक्षप्रवेश
3 मलेशियात आढळला नवीन करोना विषाणू ; १० पट अधिक वेगाने होतोय संसर्ग
Just Now!
X