News Flash

‘दंगल घडवून हिंदू मुस्लिमांमध्ये फूट पाडणाऱ्या नेत्यांना जिवंत जाळलं पाहिजे’

'जातीय दंगलीत फक्त सामान्य लोकांचाच मृत्यू का होतो ? राजकीय नेते का नाही ?'

(संग्रहित छायाचित्र)

सुहेलदेव बहुजन समाज पक्षाचे अध्यक्ष ओपी राजभर यांनी जातीय दंगलीत फक्त सामान्य लोकांचाच मृत्यू का होतो ? राजकीय नेते का नाही ? असा प्रश्न विचारला असून यामुळे मोठा वाद निर्माण होण्याची शक्यता आहे. अलीगडमधील एका सभेत बोलताना त्यांनी हे वक्तव्य केलं. यावेळी त्यांनी दंगलीत नेते का मरत नाहीत ? असा प्रश्न उपस्थित केला.

‘हिंदू मुस्लिम दंगलीत एखाद्या मोठ्या राजकीय नेत्याचा कधी मृत्यू झाला का? राजकीय नेत्यांचा मृत्यू का होत नाही? धर्माच्या आधारे भांडणं लावत फूट पाडण्याचा प्रयत्न करणाऱ्या राजकीय नेत्यांना जिवंत जाळलं पाहिजे. यानंतरच त्यांना कळेल आणि इतरांना ‘जाळणं’ बंद करतील’, असं ओ पी राजभर यांनी म्हटलं आहे.

उत्तर प्रदेशात नेहमीच भाजपा सरकारवर टीका करणाऱ्या राजभर यांनी पुढे म्हटलं की, ‘नेते हिंदू आणि मुस्लिमांमध्ये फूट पाडतात. पण आपल्या राज्यघटनेने भारताचा नागरिक असणाऱ्या प्रत्येक व्यक्तीला मतदान करण्याचा अधिकार दिला आहे’. शनिवारी राजभर यांनी एनडीएमधून बाहेर पडण्याची धमकी दिली होती.

राजभर यांची ही धमकी समाजवादी पक्ष आणि बहुजन समाज पक्षाने 2019 मध्ये भाजपाचा पराभव करण्यासाठी आघाडी केल्यानंतर आली आहे. निवडणूक एकत्रित लढवायची आहे की नाही याचा विचार करण्यासाठी राजभर यांनी भाजपाला वेळ दिला आहे. जर भाजपाकडून वेळेत उत्तर आलं नाही तर आपला पक्ष सर्व 80 जागांवर निवडणूक लढवेल असं त्यांनी सांगितलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2019 3:17 pm

Web Title: political leaders who try to divide hindu muslims should burn alive says op rajbhar
Next Stories
1 उत्तर प्रदेशची लढाई जिंकण्यासाठी भाजपाची ‘वोट कटवा’ पक्षांवर नजर
2 गुजरात ठरले आर्थिक मागासांच्या आरक्षणाची अंमलबजावणी करणारे पहिले राज्य
3 ८० वर्षाच्या वृद्धेची हत्या, चांदीचे कडे हवेत म्हणून पायही कापले
Just Now!
X