News Flash

“परदेशी मदत गेली कुठे?”, भारत सरकारला राहुल गांधींचे ५ सवाल!

परदेशातून मागवलेल्या मदतीबद्दल केली विचारणा

(संग्रहित छायाचित्र)

देशातला करोनाचा कहर वाढतच चालला आहे. वैद्यकीय यंत्रणेवर, प्रशासनावर आलेल्या ताणामुळे अनेक सोयीसुविधांचा तुटवडा भासू लागला आहे. त्यामुळे भारताने परदेशातून मदत मागवली आहे. ह्या मदतीबद्दलच आता राहुल गांधींनी भारत सरकारला ५ प्रश्न विचारले आहेत.

आपल्या ट्विटमध्ये राहुल यांनी हे प्रश्न विचारले आहेत. ते आपल्या ट्विटमध्ये म्हणतात,

“आत्तापर्यंत भारताला कोणकोणत्या गोष्टींचा पुरवठा झाला?

त्या गोष्टी कुठे आहेत?

त्याचा फायदा कोणाला होत आहे ?

त्यांचं राज्यांना कशा पद्धतीने वाटप झालं आहे?

या सगळ्यात पारदर्शकता का नाही? ”

राहुल गांधींनी भारत सरकारला या प्रश्नांची उत्तरेही मागितली आहेत. भारत सरकारच्या ढिसाळ नियोजनामुळे देशासमोर आता लॉकडाउन करण्याशिवाय अन्य पर्याय उरलेला नाही असंही त्यांनी मागेच सांगितलं होतं.

देश सध्या करोनाच्या दुसऱ्या लाटेचा सामना करत आहे. गेल्या साधारण दोन आठवड्यांपासून देशात दररोज तीन लाखांच्या वर करोना रुग्ण आढळून येत आहेत. देशातल्या अनेक राज्यांमध्ये अनेक निर्बंध लावण्यात आले आहेत. महाराष्ट्र, दिल्ली, ओडिशा, उत्तरप्रदेश अशा अनेक राज्यांमध्ये लॉकडाउनचे कडक निर्बंध लावण्यात आले आहेत. तर अनेक राज्यांमध्ये विकेंड लॉकडाउन, रात्रीची संचारबंदीही लागू करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 5, 2021 4:47 pm

Web Title: rahul gandhi asked 5 questions to government of india regarding foreign aid vsk 98
Next Stories
1 “राहुल गांधी बरोबर बोलले होते का?”; काँग्रेसच्या प्रवक्त्याने जुना व्हिडीओ केला ट्विट
2 “जुने व्हिडिओ दाखवून भाजपा हिंसाचाराच्या घटनांचा बनाव करत आहे”- ममता बॅनर्जी
3 गुजरात : करोनाचा सर्वाधिक फटका बसलेल्या जिल्ह्यात कलश यात्रा; शेकडो महिला झाल्या सहभागी
Just Now!
X