रामबाण जिल्ह्य़ातील पंथाल भागात दरड कोसळल्याने जम्मू-श्रीनगर राष्ट्रीय महामार्ग बुधवारी काही तासांपासून ठप्प झाला होता. पहाटे झालेल्या मुसळधार पावसामुळे दरड कोसळली. त्यामुळे ३०० किलोमीटर लांबीच्या महामार्गावरील वाहतूक खोळंबली. महामार्गावर अनेक तास वाहनांच्या लांबच लांब रांगा लागल्या होत्या, असे पोलिसांनी सांगितले. सकाळी नऊच्या सुमारास रस्त्यावरील दगड बाजूला केल्यानंतर वाहतूक पूर्ववत झाली.
