19 October 2020

News Flash

‘या’ मोठया देशात पुन्हा लॉकडाउनला सुरुवात, करोनाच्या दुसऱ्या लाटेचे संकेत

'मोठया प्रमाणात निर्बंध लागू करण्याचा अधिकार आम्ही राखून आहोत'

प्रतिनिधीक छायाचित्र

ब्रिटनमध्ये करोना व्हायरसची दुसरी लाट येण्याची चिन्ह दिसत असून रुग्णांची संख्या वाढू लागली आहे. करोना व्हायरसची दुसरी लाट रोखण्यासाठी ब्रिटनचे पंतप्रधान बोरीस जॉन्सन यांनी लोकांना ‘शक्य असेल तर घरातूनच काम करा’ असे आवाहन केले आहे तसेच बार आणि हॉटेल्स लवकर बंद करण्याचे आदेश दिले आहेत.

तात्काळ पावलं उचलली नाहीत तर, मृतांची संख्या वाढू शकते असा इशारा वैज्ञानिकांनी दिला आहे. जॉन्सन यांनी मार्चसारखा लॉकडाउन पुन्हा केलेला नाही. पण करोनाचा फैलाव आटोक्यात आला नाही तर पुढील निर्णय घ्यावे लागतील असे जॉन्सन यांनी म्हटले आहे. बोरीस जॉन्स यांनी मंत्री आणि युनायटेड किंगडमच्या नेत्यांची बैठक घेतली. असोसिएटेड प्रेसने हे वृत्त दिले आहे.

‘मोठया प्रमाणात निर्बंध लागू करण्याचा अधिकार आम्ही राखून आहोत’ असे जॉन्सन यांनी सांगितले. “वर्तणुकीत बदल आणि नवीन उपायोजना लागू पडल्या तर कठोर निर्बंधांची वेळ येणार नाही” असे जॉन्सन म्हणाले. काही आठवडयांपूर्वीच त्यांनी लोकांना कामावर परतण्याचे आवाहन केले होते. पण आता शक्य असेल तर घरातून काम करा असे त्यांनी म्हटले आहे. सर्व पब, बार आणि हॉटेल्स गुरुवारपासून रात्री दहावाजता बंद करण्याचे आदेश दिले आहेत.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 22, 2020 7:20 pm

Web Title: uk pm boris johnson starts shutting down britain again as covid 19 spreads dmp 82
Next Stories
1 इक्बाल मिर्चीच्या दुबईतल्या २०० कोटींच्या १५ मालमत्तांवर ईडीची टाच
2 सहा महिन्यात देशात चाइल्ड पॉर्नोग्राफी, बलात्काराची किती प्रकरण घडली?; सरकारने दिली आकडेवारी
3 जम्मूत पोलिसांना सापडली ड्रोनच्या मदतीने पाडली गेलेली शस्त्रं
Just Now!
X