बिहारमध्ये विधानसभा निवडणुकीचा प्रचार आता शिगेला पोहोचला आहे. विविध राजकीय पक्षांकडून एकमेकांवर आरोप-प्रत्यारोप करताना आज हिंसाचारही घडला. जनता दल राष्ट्रवादी पार्टीचे उमेदवार नारायण सिंह यांच्यावर काही लोकांनी हल्ला केला, यामध्ये त्यांचा मृत्यू झाला. या घटनेमुळं बिहारच्या निवडणुकीला गालबोट लागलं आहे. #UPDATE Bihar: Janta Dal Rashtrawadi Party's candidate for #BiharElections Narayan Singh - who was shot at in Hathsar village of Sheohar district - succumbs to his injuries. Two of his attackers arrested and admitted to hospital after they were injured. — ANI (@ANI) October 24, 2020 शिवहर जिल्ह्यातील हाथरस येथे ही घटना घडली असून जनता दल राष्ट्रवादी पार्टीचे उमेदवार नारायण सिंह यांच्यावर शनिवारी काही लोकांनी गोळीबार केला. यामध्ये गंभीर जखमी झाल्याने त्यांना तातडीने रुग्णालयात दाखल करण्यात आले. यावेळी तात्काळ एका व्यक्तीला पोलिसांनी ताब्यात घेतले होते. दरम्यान, गंभीर दुखापत झाल्याने उपचारांदरम्यान नारायण सिंह यांचा मृत्यू झाला. यावेळी आणखी एकाला पोलिसांनी ताब्यात घेतले. या दोघांनाही उपचारांसाठी रुग्णालयात दाखल करण्यात आले आहे. कारण हल्ल्यात ते देखील जखमी झाले आहेत.