26 October 2020

News Flash

ट्रम्प यांच्या अध्यक्षीय उमेदवारीचे अधिवेशन माध्यमांविना

स्थानिक व राज्य प्रशासनाने करोनामुळे घातलेल्या निर्बंधामुळे प्रतिनिधींनाही जाण्यायेण्यात अडचणी येणार आहेत.

संग्रहित छायाचित्र

वॉशिंग्टन : अमेरिकेचे विद्यमान अध्यक्ष डोनाल्ड ट्रम्प यांना पुन्हा अध्यक्षीय उमेदवारी देण्याचे अंतिम सोपस्कार पार पाडण्यासाठी उत्तर कॅरोलिनातील शार्लट येथे रिपब्लिकन पक्षाचे अधिवेशन २१ ते २४ ऑगस्टला होत असून त्यात त्यांना पुन्हा उमेदवारी मिळण्यासाठी एकूण ३३६ प्रतिनिधी मतदान करणार आहेत. एरवी अशा अधिवेशनाचा खूप गाजावाजा करून उमेदवारी जाहीर केली जात, पण यावेळी फ्लोरिडात करोनाचा प्रसार जास्त असल्याने हे अधिवेशन साधेपणाने पार पाडले जाणार आहे. त्यासाठी पत्रकारांना प्रवेश दिला जाणार नाही.

रिपब्लिकन राष्ट्रीय अधिवेशनाच्या प्रवक्त्यांनी सांगितले की, या अधिवेशनातील सार्वजनिक कार्यक्रम आधीच रद्द करण्यात आले असून ३३६ प्रतिनिधी शार्लट येथील अधिवेशनास येऊन मतदान करतील. करोनामुळे असलेल्या निर्बंधामुळे गर्दी टाळण्याकरिता त्यांना प्रवेश दिला जाणार नाही. २१ ते २४ ऑगस्ट दरम्यान हे अधिवेशन पार पडणार असले तरी त्यातील मुख्य कार्यक्रम २४ ऑगस्टला होणार आहे. पण त्यासाठी प्रसारमाध्यमांना बंदी घालण्यात आली. एकूण पाचशे अधिकृत प्रतिनिधींच्या वतीने ३३६ प्रतिनिधी गुप्त मतदान करणार आहेत. इतर प्रतिनिधी व पाहुणे यांना आधीच  प्रतिबंध करण्यात आला आहे. स्थानिक व राज्य प्रशासनाने करोनामुळे घातलेल्या निर्बंधामुळे प्रतिनिधींनाही जाण्यायेण्यात अडचणी येणार आहेत. एरवी पत्रकारांना जमवून या अधिवेशनाचा गाजावाजा करीत अध्यक्षीय उमेदवारी जाहीर होते पण तसे यावेळी होणार नाही. जर हा निर्णय अमलात आला तर प्रसारमाध्यमांच्या उपस्थितीशिवाय होणारे हे पहिलेच अधिवेशन असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 3, 2020 2:20 am

Web Title: vote to renominate trump to be held privately without media present due to coronavirus zws 70
Next Stories
1 देशात अतिनजीकच्या हवामान अंदाजासाठी कृत्रिम बुद्धिमत्तेच्या वापराची तयारी
2 “माझी करोना चाचणी पॉझिटिव्ह आली,” येडियुरप्पांनी केलं ट्विट; सुप्रिया सुळेंनी दिला रिप्लाय, म्हणाल्या…
3 कर्नाटकचे मुख्यमंत्री करोना पॉझिटिव्ह
Just Now!
X