महिलेला अयोग्य पद्धतीने स्पर्श केल्या प्रकरणी पाकिस्तानी उच्चायुक्त कार्यालयातील कर्मचाऱ्याला पोलिसांनी ताब्यात घेतले होते. नवी दिल्लीतील सरोजिनी नगर पोलीस स्टेशनमध्ये रविवारी या कर्मचाऱ्याला नेण्यात आले होते. बाजारपेठेत हाय कमिशनच्या कर्मचाऱ्याने आपल्याला चुकीच्या पद्धतीने स्पर्श केला असा महिलेचा आरोप होता. कर्मचाऱ्याला महिलेचा आरोप मान्य नव्हता. बाजारपेठेत गर्दी असल्यामुळे चुकून स्पर्श झाला असे कर्मचाऱ्याचे म्हणणे होते. त्या कर्मचाऱ्याने महिलेची माफी मागितल्यानंतर या वादावर पडदा पडला असे वरिष्ठ पोलीस अधिकाऱ्याने सांगितले.
