बहुजन समाज पक्षाचे स्थानिक नेते दीपक भारद्वाज यांच्या हत्येप्रकरणी पोलिसांनी बुधवारी १२ जणांची कसून चौकशी केली. भारद्वाज यांना मारण्यासाठी हल्लेखोराला सुपारी दिली होती का, याचा तपास करण्यात येत असल्याचेही पोलिसांनी स्पष्ट केले. ६२ वर्षीय दीपक भारद्वाज यांची मंगळवारी तीन अज्ञात हल्लेखोरांनी गोळ्या घालून हत्या केली होती.
मामलत्तेच्या वादातून अथवा वैमनस्यातून ही हत्या झाली का, याचा तपास करण्यात येत आहे. दक्षिण दिल्लीतील राजौरी भागातील नितेश कुंज या फार्महाऊसवर मंगळवारी स्कोडा गाडीतून आलेल्या तीन अज्ञात हल्लेखोरांनी गोळ्या घालून भारद्वाज यांची हत्या केली होती.