अल्पवयीन दलित मुलीवर बलात्कार

उत्तर प्रदेशातील सुलतानपूर येथे एका अल्पवयीन दलित मुलीवर बलात्कार झाल्याची घटना उघडकीस आली आहे. या प्रकरणातील आरोपी मात्र फरार आहे. ही १५ वर्षीय मुलगी १४ डिसेंबरला शाळेतून घरी न परतल्याने पालकांनी तिचा शोध सुरू केला, मात्र येथील धरौली गावात या मुलीला तिघांनी डांबून ठेवून तिच्यावर सामूहिक बलात्कार केला. शनिवारी तिने स्वत:ची सुटका करून घेतल्यानंतर हा प्रकार उघडकीस आला. या मुलीने या आरोपींची माहिती पोलिसांना दिली असून यातील राजू या व्यक्तीविरोधात पोलिसांनी बलात्काराचा, तर बसंतलाल व साहेबादीन या त्याच्या सहकाऱ्यांवर कटकारस्थान रचण्याचा गुन्हा दाखल केला आहे. हे तिन्ही आरोपी फरार असून पोलीस त्यांच्या शोधात आहेत.