उत्तर प्रदेशातील लखीमपूर येथून परतत असताना आपल्यावर जीवघेणा हल्ला करण्याचा प्रयत्न करण्यात आला, असा आरोप अपना दलच्या खासदार अनुप्रिया पटेल यांनी केला आहे. गोला येथून रविवारी रात्री लखनऊला परतत असताना आपल्या वाहनांच्या ताफ्याचा एका ट्रकने पाठलाग केला. जवळपास १५ कि.मी. पर्यंत पाठलाग केल्यानंतर ट्रकने ताफ्यातील एका वाहनाला धडक दिली. त्यामध्ये आपला जनसंपर्क अधिकारी आणि सुरक्षा रक्षक जखमी झाले. मात्र वाहनचालकाने प्रसंगावधान राखल्याने आपला जीव वाचला, असे अनुप्रिया पटेल म्हणाल्या.