भारतीय जनता पक्ष लोकसभा निवडणुकीत ३०० जागापेक्षा अधिक जागा जिंकू शकणार नाही, असा दावा काँग्रेसचे नेते, खासदार शशी थरूर यांनी केला होता. यानंतर भाजपाचे खासदार, अभिनेते रवी किशन यांनी त्यांच्यावर जोरदार टीका केली आहे. “पाच टप्प्यातील मतदानानंतर भाजपाला ३०० जागा मिळणार नाहीत, असे दिसत आहे. बेरोजगारी, महागाई यामुळे सामान्य जनता सरकारवर नाराज आहे. उत्तर भारतातही काँग्रेसला यश मिळेल”, असे शशी थरूर म्हणाले होते. यावर पलटवार करताना रवी किशन यांनी शशी थरूर यांना ‘अंग्रेजी आदमी’ म्हणत त्यांच्यावर टीका केली.

रवी किशन म्हणाले की, आपण मनाली, शिमला याठिकाणी सुट्ट्या घालवण्यासाठी जातो. पण शशी थरूर आणि त्यांच्यासारखे लोक भारतात निवडणुका असताना सुट्ट्या घालविण्यासाठी येतात. त्यांना देशाबद्दल किंवा त्यांच्या गावाबद्दल काहीही माहीत नाही. त्यामुळेच मी म्हणेण की, ते इंग्रजी व्यक्ती आहेत.

Bihar politics Nitish Kumar and Tejashwi Yadav
“४ जूननंतर नितीश कुमार पुन्हा…”, तेजस्वी यादव यांच्या दाव्यामुळे बिहारच्या राजकारणात ट्विस्ट
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
Raghuram Rajan reuters
“निवडणुकीत भाजपाचा पराभव झाला तर…”, भारताच्या अर्थव्यवस्थेबाबत माजी RBI गव्हर्नर रघुराम राजन यांचं मोठं वक्तव्य
rahul gandhi
“मोदींना परमेश्वरानंच पाठवलंय, पण कशासाठी तर…”, राहुल गांधींचा पंतप्रधान मोदींवर हल्ला!
Nawaz Sharif
“पाकिस्तानने १९९९ साली लाहोर कराराचे उल्लंघन केलं”, नवाज शरीफ यांनी दिली कबुली; अटलबिहारी वाजपेयींचा उल्लेख करत म्हणाले…
Ian Bremmer prashant kishor
भाजपाला किती जागा मिळणार? प्रशांत किशोरांपाठोपाठ अमेरिकन राजकीय संशोधकाने केलं विश्लेषण
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”

रवी किशन हे गोरखपूर लोकसभा मतदारसंघातून दुसऱ्यांदा निवडणुकीसाठी उभे आहेत. पूर्व उत्तरप्रदेशमधील या मतदारसंघात मुख्यमंत्री योगी आदित्यनाथ यांचा विधानसभा मतदारसंघ येतो. २०१९ च्या लोकसभा निवडणुकीत भोजपरी आणि बॉलिवूडचे अभिनेता रवी किशन यांनी समाजवादी पक्षाचे उमेदवार राम भुवल निशाद यांचा पराभव केला होता.

मंगळवारी रवी किशन यांनी पीटीआय वृत्तसंस्थेशी बोलताना सांगितले की, ४ जून रोजी निकाल लागल्यानंतर विरोधकांमधील अर्धा डझन पक्षाचे अस्तित्व संपुष्टात येईल आणि त्यांच्या सर्व उमेदवारांचे डिपॉझिट जप्त होईल. विरोधकांच्या आघाडीतील २६ पक्षांचा मोठा पराभव झालेला आपल्याला दिसेल. यामध्ये सहा पक्ष तर पूर्णपणे नष्ट होतील.

विरोधकांना शरीयतच्या नियमांवर हा देश चालवायचा आहे. पण हे कधीही होऊ शकणार नाही. हा देश केवळ डॉ. बाबासाहेब आंबेडकर यांनी दिलेल्या घटनेनुसारच चालणार, असेही रवी किशन यांनी सांगितले. रवी किशन पुढे म्हणाले की, भाजपाची सत्ता आली तरी संविधानाला कोणताही धक्का लागणार नाही. मात्र काँग्रेसचे सरकार आले तर ते मात्र निश्चितच संविधान बदलतील.

विशेष म्हणजे रवी किशन यांनी भाजपामध्ये येण्यापूर्वी २०१४ च्या लोकसभेत काँग्रेसच्या तिकीटावर जौनपूर लोकसभेतून निवडणूक लढवली होती.