नक्षलवादी-सीआरपीएफ चकमकीत आठ ग्रामस्थ ठार

 नक्षलविरोधी दल कोब्रा व सीआरपीएफच्या संयुक्त पथकाने बिजापूर जिल्ह्य़ातील गंगालूर भागात शुक्रवारी रात्री तपासणी मोहीम राबवली होती. त्यावेळी एहादसमेटा या ठिकाणी त्यांची कथित नक्षलवाद्यांशी चकमक उडाली. यावेळी दोन्ही बाजूने झालेल्या गोळीबारात आठ जण ठार झाले.   मात्र, तपासाअंती सर्व मृत ग्रामस्थ असल्याचे उघडकीस आले. सीआरपीएफनेही तशी कबुली दिली आहे. विशेष म्हणजे गेल्या वर्षी याच परिसरात १७ नक्षलवाद्यांना चकमकीत ठार करण्यात आले होते. मात्र, त्यातील बहुतांश ग्रामस्थच असल्याचे नंतर उघड झाले होते.

(संग्रहित छायाचित्र)