६२ कोटींहून अधिक रोकड हस्तगत

आतापर्यंत एकूण ६२.४१ कोटी रुपयांची रोकड जप्त करण्यात आली आहे.

पाच राज्यांमधील विधानसभा निवडणुकीसाठी निवडणूक आयोगाने नेमलेल्या भरारी पथकाने ६२ कोटी रुपयांहून अधिक बेकायदेशीर रोकड जप्त केली असून त्यापैकी सर्वाधिक म्हणजे २४.९० कोटी रुपये तामिळनाडूतून जप्त करण्यात आले आहेत.

पश्चिम बंगालमधून १२.८४ कोटी रुपये तर आसाममधून १२.३३ कोटी रुपयांची रोकड जप्त करण्यात आली आहे. केरळमधून ११.७३ कोटी रुपये तर पुडुचेरीमधून ६०.८८ लाख रुपये रोकड जप्त करण्यात आली आहे.

आतापर्यंत एकूण ६२.४१ कोटी रुपयांची रोकड जप्त करण्यात आली आहे. निवडणूक आयोगाने नेमलेल्या भरारी पथकांनी  रोकड जप्त केली आहे.

आठ उमेदवार बदलले तामिळनाडूच्या मुख्यमंत्री जयललिता यांनी विधानसभेच्या निवडणुकीसाठी सोमवारी आठ उमेदवार बदलले. नव्या यादीत  तीन मंत्री आणि एका माजी कॅबिनेट मंत्र्याला उमेदवारी दिली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Election commission action