दक्षिण भारतीय कर्नाटकी संगीतातील ज्येष्ठ संगीतकार व मेंडोलिनवादक उप्पलापू श्रीनिवास यांचे प्रदीर्घ आजारानंतर निधन झाले. श्रीनिवास (४५) हे ‘मेंडोलिन श्रीनिवास’ म्हणून ओळखले जात. त्यांना यकृताचा आजार होता.श्रीनिवास यांनी मॅकलॉलिन व मायकेल नायमन यांच्यासारख्या जागतिक कलाकारांबरोबर मेंडोलिनवादन केले होते. त्यांना पद्मश्री तसेच संगीत नाटक अकादमी पुरस्कार मिळाला होता. ए. आर. रहमान यांच्यासह अनेक संगीतकारांनी त्यांच्या निधनाबद्दल दु:ख व्यक्त केले आहे.?
