सर्वोच्च न्यायालयाने पतंजलीच्या फसव्या जाहिरांतीप्रकरणी मंगळवारी (३० एप्रिल) झालेल्या सुनावणीवेळी उत्तराखंड परवाना प्राधिकरणाला (उत्तराखंड लायसन्सिंग अथॉरिटी) फटकारलं. न्यायालयाने पंतजलीच्या फसव्या जाहिरांतीप्रकरणी प्राधिकरणाच्या निष्क्रियतेवर प्रश्नचिन्ह उपस्थित करत म्हटलं की, “तुमची झोप आत्ता पूर्ण झाली का? नुकतेच झोपेतून जागे झालात असं वाटतंय.” मंगळवारच्या सुनावणीवेळी महाधिवक्ते मुकुल रोहतगी यांनी योग गुरू रामदेव आणि आचार्य बाळकृष्ण यांची बाजू मांडली. रोहतगी म्हणाले, आम्ही वर्तमानपत्रांमध्ये माफीनामा छापला होता. तो माफीनामा न्यायालयाने आपल्याकडे जमा केला आहे. यासह रोहतगी यांनी पंतजलीचा माफीनामा न्यायमूर्तींसमोरही सादर केला.

न्यायालयाने मुकूल रोहतगी यांना प्रश्न विचारला की, तुम्ही मूळ नोंदी का सादर केल्या नाहीत. तुमच्याकडे मागितलेली माहिती ई-फायलिंग स्वरुपात सादर करण्यात आली आहे जी अधिक गोंधळ निर्माण करणारी आहे. तुमचा हा सगळा गोंधळ पाहून आम्ही आता हात वर केले आहेत. आम्ही मूळ प्रती मागितल्या होत्या, त्या कुठे आहेत, त्या कधी सादर करणार?

Neet action against Subodh Kumar Singh after NET paper leak
‘एनटीए’प्रमुखांची उचलबांगडी; नीट, नेट पेपरफुटीनंतर सुबोध कुमार सिंह यांच्यावर कारवाई
High Court reprimanded the government in Nagpur Reform Scheme Plot Scam
१७ वर्षांपासून एका फाईलवर कसे बसू शकता? भूखंड घोटाळ्याप्रकरणी उच्च न्यायालयाने सरकारला फटकारले
Koyna Khore, land misappropriation,
सातारा : कोयना खोरे जमीन गैरव्यवहार प्रकरण, दोषींच्या वकिलांचे वकीलपत्र रद्द
ram mandir ncert
NCERT च्या पुस्तकातून अयोध्या प्रकरण गाळल्यानंतर राम मंदिराच्या मुख्य पुजाऱ्यांनी व्यक्त केली नाराजी; म्हणाले…
Hindutva organization trimbakeshwar marathi news
त्र्यंबकेश्वरमध्ये प्रसाद शुद्धीकरणासाठी हिंदुत्ववादी संघटनांतर्फे प्रमाणपत्र, अंनिसचा आक्षेप; दुकानदारांची नाराजी
Clarify stand on Jitendra Awhads plea to consolidate all offences High Court orders govt
श्रीरामाबाबत केलेले वादग्रस्त वक्तव्य : सर्व गुन्हे एकत्र करणाच्या आव्हाडांच्या याचिकेवर भूमिका स्पष्ट करा, उच्च न्यायालयाचे सरकारला आदेश
Kangana Ranuat
कंगना रणौत यांच्या कानशिलात लगावणाऱ्या कॉन्स्टेबलच्या भावाची प्रतिक्रिया; म्हणाले, “माझी बहीण…”
sanjay raut mla ravi rana claim
“आमच्या नादाला लागू नका, आमच्या भूमिका या…”, रवी राणांच्या ‘त्या’ दाव्यावर संजय राऊतांचे प्रत्युत्तर!

न्यायमूर्तींनी प्रश्न उपस्थित केल्यानंतर रामदेव यांचे वकील बलबीर सिंह म्हणाले, माझ्याकडून हे चुकून झालंय. त्यानंतर न्यायमूर्ती म्हणाले, मागच्या वेळी तुम्ही जो माफीनामा छापला होता तो खूप छोटा होता. तसेच त्यावर केवळ पतंजली लिहिलं होतं. यावेळी तुम्ही थोडा मोठा माफीनामा छापलाय ते बरं केलंत. यावरून स्पष्ट होतंय की आम्ही नेमकं काय म्हणतोय ते तुम्हाला समजतंय. तुम्ही आता जाहिरात छापलेलं वर्तमानपत्र जमा करा.

हे ही वाचा >> “…म्हणून शिवसेना आणि राष्ट्रवादी हे पक्ष फुटले”, महाराष्ट्राच्या सत्तासंघर्षाचं पंतप्रधान मोदींकडून विश्लेषण

उत्तराखंड राज्य परवाना प्राधिकरणाने न्यायालयाला सांगितलं की, पंतजली आणि त्यांची दुसरी शाखा दिव्या फार्मसीच्या एकूण १४ मॅन्युफॅक्चरिंग युनिट्सचा परवाना रद्द करण्यात आला आहे. यावर न्यायमूर्ती म्हणाले, तुम्ही आत्ता झोपेतून उठलात वाटतं. यावरून एक गोष्ट समजतेय की, जेव्हा तुम्हाला खरंच काहीतरी करायचं असतं तेव्हा तुम्ही वेगाने कामं करता. परंतु जेव्हा तुम्हाला काही करायचंच नसतं तेव्हा तुम्ही कितीही सांगितलं तरी कुठल्याही प्रकारची कार्यवाही करत नाही. अशा वेळी तुम्हाला एखादी गोष्ट करायला अनेक वर्षं लागतात. आम्ही सुनावणी केल्यानंतर तीनच दिवसांत तुम्ही कारवाई केलीत. मात्र यापूर्वीचे नऊ महिने तुम्ही काय करत होता? तुम्ही आत्ताच झोपेतून जागे झालात असं दिसतंय.