scorecardresearch

Premium

प्रियकराला अल्पवयीन मुलीवर बलात्कार करण्याची संमती देणाऱ्या आईला ४० वर्षांच्या कारावासाची शिक्षा

पीडित मुलीच्या ११ वर्षांच्या बहिणीवरही अत्याचार झाल्याचं पोलीस तपासात समोर आलं आहे.

Crime News Gurugram
जाणून घ्या ही घटना कुठे घडली? (प्रातिनिधिक छायाचित्र)

प्रियकराला सात वर्षांच्या अल्पवयीन मुलीवर बलात्कार करु दिल्याच्या आरोपात एका महिलेला ४० वर्षांच्या तुरुंगावासाची शिक्षा सुनावण्यात आली आहे. तसंच तिला २० हजार रुपयांचा दंडही ठोठावण्यात आला आहे. या महिलेच्या प्रियकराने महिलेच्या मुलीवर बलात्कार केला आणि तिचं लैंगिक शोषण केलं. या सगळ्याला आईची संमती होती. याच आरोपावरुन या महिलेला न्यायालयाने ४० वर्षांची शिक्षा सुनावली आहे.

केरळच्या फास्ट ट्रॅक कोर्टाचा निर्णय

केरळ येथील फास्ट ट्रॅक कोर्टाने सोमवारी हा निर्णय दिला आहे. तिरुवनंतपुरम येथील फास्ट ट्रॅक न्यायालयाच्या न्यायाधीश आर रेखा यांनी मार्च २०१८ ते सप्टेंबर २०१९ पर्यंत घडलेल्या घटनेप्रकरणी पीडित मुलीच्या आईला ४० वर्षे तुरुंगवासाची शिक्षा सुनावली आहे.

yulia navalnaya life challenges marathi news, alexei navalny wife marathi news, yulia navalnaya marathi news, russian opposition leader alexei navalny s wife yulia navalnaya
युलिया नवाल्नाया असण्याचे आव्हान
love triangle nagpur
‘पती, पत्नी और वो…’ प्रेमाच्या त्रिकोणातून दोन संसार उद्ध्वस्त होण्याच्या मार्गावर; भरोसा सेलने…
Fraud of 90 lakh by giving lure of good returns on investment
मुंबई : गुंतवणुकीवर चांगला नफा देण्याचे आमिष दाखवून फसवणूक
17 year old stabbed to death by two minors
दोन मित्रांनी अल्पवयीन मुलाची चाकूने भोसकून केली हत्या

न्यायाधीश आर. रेखा काय म्हणाल्या?

न्यायाधीश रेखा म्हणाल्या, या प्रकरणात शिक्षा आईलाच सुनावण्यात आली आहे कारण खटला सुरु असताना मुख्य आरोपीने म्हणजेच या महिलेच्या प्रियकराने आत्महत्या केली. या महिलेला शिक्षा ठोठावत असताना रेखा म्हणाल्या पीडित मुलीचं लहानपण तिच्या आईमुळे कुस्करलं गेलं. आपल्या लहान मुलीचं रक्षण करण्याची जबाबदारी तिच्या आईची होती. मात्र या आईने प्रियकराला सात वर्षांच्या मुलीवर बलात्काराची संमती दिली. त्यामुळे पीडित मुलगी लैंगिक शोषण आणि बलात्कार पीडिता झाली.

या महिलेचा पती मानसिकदृष्ट्या स्थिर नव्हता. त्यामुळे ही महिला तिच्या पतीसह राहात नव्हती. त्यानंतर या महिलेचे संबंध शिशुपालन नावाच्या व्यक्तीशी आले. यानेच या महिलेच्या मुलीवर बलात्कार केला. शिशुपालनने तिच्यावर २०१८ ते २०१९ या कालावधीत अनेकदा बलात्कार केला आणि तिचं लैंगिक शोषण केलं. इंडिया टुडेने हे वृत्त दिलं आहे.

पोलिसांनी दिलेल्या माहितीनुसार या पीडितेल्या ११ वर्षांच्या सावत्र बहिणीचंही शोषण झालं आहे. पीडितेला आणि तिच्या ११ वर्षांच्या बहिणीला शांत राहण्यासाठी धमकवण्यात आलं होतं. या दोन्ही मुली आजीच्या घरी कशातरी पळून आल्या ज्यानंतर हा प्रकार उघड झाला. या प्रकरणात ३२ प्रकारची कागदपत्रं सादर केली गेली आहेत. तर २२ जणांच्या साक्षी नोंदवल्या गेल्या आहेत असंही स्पष्ट झालं आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Kerala woman jailed for 40 years for letting lover rape her minor daughter scj

First published on: 28-11-2023 at 10:20 IST

संबंधित बातम्या

तुम्ही या बातम्या वाचल्या आहेत का? ×