अखलाख हत्येप्रकरणीच्या अहवालात उत्तर प्रदेश सरकारने गोमांसाचा मुद्दा वगळला

अहवालात गोहत्या किंवा गोमांस सेवन अशा कोणत्याही बाबींचा उल्लेख करण्यात आलेला नाही

Dadri lynching, UP, beef , Centre, cow slaughter, Loksatta, Loksatta news, Marathi, Marathi news
उत्तर प्रदेशच्या दादरी येथील अखलाख मोहमंद हत्येप्रकरणी उत्तर प्रदेश सरकारने मंगळवारी केंद्राला अहवाल सादर केला.

उत्तर प्रदेशच्या दादरी येथील अखलाख मोहमंद हत्येप्रकरणी उत्तर प्रदेश सरकारने मंगळवारी केंद्राला अहवाल सादर केला. मात्र, या सरकारी अहवालात गोहत्या किंवा गोमांस सेवन अशा कोणत्याही बाबींचा उल्लेख करण्यात आलेला नाही. दोन पानांच्या या अहवालात अखलाख आणि त्यांचा मुलगा दानिश यांच्यावर ‘प्रतिबंधित पशुचे मांस’ सेवन केल्याचे आरोप आहे, एवढेच नमूद करण्यात आले आहे. परंतु गावातील लोकांच्या माहितीनूसार अखलाख आणि त्यांच्या मुलाने गोमांस सेवन केल्यामुळेच जमावाने त्यांची हत्या केली होती. त्यामुळे या सरकारी अहवालातील माहितीविषयी साशंकता उत्त्पन्न झाली आहे. या अहवालातील माहिती नजर टाकल्यास ही हत्या गोमांसाच्या वादातून झाली हे मान्य करण्यास उत्तर प्रदेश सरकार तयार नसल्याचे दिसत आहे. त्यादृष्टीने अहवालात हत्येपूर्वी निर्माण झालेल्या परिस्थितीबद्दल कोणतीही ठोस अशी माहिती देण्यात आलेली नाही. याशिवाय, पोलीस एफआयआरमध्ये नमूद करण्यात आलेल्या अन्य गोष्टींचाही उल्लेखही अहवालामध्ये टाळण्यात आला आहे. अखलाख महमंद यांनी प्रतिबंधित पशुचे मांस सेवन केल्याच्या अफवेवरून जमाव अखलाख यांच्या घराबाहेर जमाव जमला. त्यानंतर या जमावाने अखलाख यांना ठार मारले, अशी वरवरची माहितीच या अहवालात असल्याचे गृह मंत्रालयातील सूत्रांककडून सांगण्यात आले.
दरम्यान, ही घटना घडली तेव्हा महमंद यांच्या मुलीनेही जमावाला घरात जाऊन गोमांस आहे की नाही याची खातरजमा करण्यास सांगितले होते. मात्र, हा जमाव काहीही ऐकून न घेता अखलाख यांना बेदम मारहाण करत राहिला. या मारहाणीत अखलाख यांचा मृत्यू झाला होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: No mention of beef in dadri lynching report to centre

Next Story
बराक ओबामा यांची रोम्नींवर टीका
ताज्या बातम्या