करोनाचे रुग्ण अन् इंधनाच्या दरांना ‘मुक्तद्वार’ -राहुल गांधी

राहुल गांधी यांनी इंधनाच्या वाढत्या दराचा मुद्दा टाळेबंदीच्या परतीच्या प्रवासातील पहिल्या टप्प्याशी जोडलेला होता. टाळेबंदी शिथिल करून आर्थिक व्यवहारांना वेग देण्यात आला. त्यानंतर गेल्या १८ दिवसांमध्ये देशातील तेल उत्पादक कंपन्यांनी इंधन दरवाढ केली व आता बुधवारी डिझेल हे पेट्रोलपेक्षा महाग झाले आहे, असे ट्वीट केले आहे. बुधवारी पेट्रोलच्या दरात वाढ झाली नसली तरी डिझेलचे दर प्रति लिटर ४८ पैशांनी वाढले. त्यामुळे पेट्रोलचे दर दिल्लीत ७९.७६ रुपये तर डिझेलचे दर ७९.८८ रुपये झाले.

काँग्रेसचे आंदोलन

इंधनदरवाढीचा मुद्दा काँग्रेसने उचलून धरला असून २९ जून रोजी देशातील प्रत्येक जिल्हा मुख्यालयासमोर सकाळी १० ते १२ हे दोन तास धरणे आंदोलन करण्याचे ठरवले आहे. त्यानंतर ३० जून ते ४ जुलै हे पाच दिवस तालुका स्तरावर धरणे धरले जाईल.