दक्षिण दिल्लीत सोमवारी रात्री भारतातील पाकिस्तानचे अधिकारी आपल्या चालकासह कारमधून घरी जात असताना त्यांना अपघातानंतर झालेल्या मारहाणप्रकरणी पोलिसांनी दोघांना अटक केली आहे.
पोलिसांनी दिलेल्या माहितीनुसार, पाकिस्तानचे व्यापार विषयक सर्वोच्च सचिव सय्यद झिरगम रझा, आपल्या निवासस्थानी वसंत विहारमध्ये परत येत असताना त्यांच्या गाडीला दुचाकीने धडक दिली. त्यावेळी दुचाकीस्वार आणि त्यांच्यात वाद झाला. यातून पाकिस्तानच्या अधिकाऱ्याला किरकोळ मारहाण करण्यात आली. याप्रकरणी एक महिला आणि तिच्या पुतण्याला अटक करण्यात आली आहे.
अटक करण्यात आलेली महिला रोशनी आणि तिचा पुतण्या रोहीतवर अपघात आणि त्यानंतर केलेल्या मारहाणीचा गुन्हा दाखल करण्यात आला आहे.