scorecardresearch

Premium

…जेव्हा सुरेश प्रभू चालत्या रेल्वेतून उडी मारतात

रेल्वेमंत्री सुरेश प्रभू यांना साधी राहणी पसंत आहे.

रेल्वेमंत्री सुरेश प्रभू (Photo: PTI)
रेल्वेमंत्री सुरेश प्रभू (Photo: PTI)

रेल्वेमंत्री सुरेश प्रभू यांना साधी राहणी पसंत आहे. यामुळेच ते अन्य राजकीय नेत्यांपेक्षा आपले वेगळेपण टिकवून आहेत. मेरठ रेल्वेस्थानकावर त्याचा प्रत्यय देणारी एक घटना अलिकडेच घडली. मेरठ रेल्वेस्थानकावर त्यांच्या स्वागतासाठी अनेक भाजप कार्यकर्ते आणि नागरीक उपस्थित होते. या स्वागत समारंभापासून स्वत:ला दूर ठेवण्यासाठी प्रभू चक्क चालत्या ट्रेनमधून उडी मारून उतरले. गाझियाबाद-मेरठ-सहारणपूर विद्युतीकरणाचे लोकार्पण करण्यासाठी ते येथे आले होते.
ट्रेन प्लॅटफॉर्मावर पोहोचताच स्वागतासाठी उपस्थित असलेल्या कार्यकर्त्यांना प्रभूंनी दूरूनच पाहिले. स्वागतसमारंभ टाळण्यासाठी प्रभू चालत्या ट्रेनमधून अगोदरच उतरले. जेव्हा प्रभू चालत्या गाडीतून उतरले तेव्हा गाडीचा वेग बऱ्यापैकी कमी झाला होता. यानंतर ते तडक कार्यक्रमाच्या ठिकाणी उभारण्यात आलेल्या मंचावर पोहोचले. परंतु काहीही ऐकण्यास तयार नसलेल्या कार्यकर्त्यांनी मंचावर जाऊन त्यांचे स्वागत केले. गाझियाबाद-मेरठ-सहारणपूर विद्युतीकरणाचे लोकार्पण केल्यानंतर प्रभूंनी एस्क्लेटर आणि लिफ्टचा शिलान्यास केला. यूपीए सरकारने गेल्या दहा वर्षांत जेवढे काम केले नाही, त्यापेक्षा किती तरी जास्त काम गेल्या दोन वर्षांत आपल्या सरकारने केल्याचे यावेळी प्रभू म्हणाले. केवळ दोन वर्षांत साठ वर्षांच्या कामाची बरोबरी साधणारे काम करण्याचा आम्ही प्रयत्न केल्याचे सांगत केद्र सरकारच्या योजनांची माहिती देताना ते म्हणाले, पहिल्यांदा दररोज चार किलोमीटरची नवी रेल्वेलाईन टाकली जात असे, आम्ही दरदिवशी १९ किलोमीटर रेल्वेलाईन टाकण्याचे उद्दिष्ट साध्य केले. वर्षभरात गरजेनुसार पश्चिम उत्तर प्रदेशमध्ये नवीन ट्रेन नक्की धावतील. लवकरच हाय स्पीड आणि सेमी स्पीड ट्रेन आणणार असल्याची माहिती त्यांनी दिली.

Viral VIDEO Biker Sets Free Dogs Being Carried In Agra Nagar Nigam Van On Highway In UP
भटक्या कुत्र्यांना महापालिकेने पकडले अन् बाईकस्वाराने केले मुक्त; चालत्या वाहनातून उड्या मारणाऱ्या कुत्र्यांचा Video Viral
Mallikarjun Kharge writes to Mamata Banerjee requesting security for Bharat Jodo Nyaya Yatra
‘भारत जोडो न्याय यात्रे’ला सुरक्षा पुरवावी! मल्लिकार्जुन खरगे यांची ममता बॅनर्जीना पत्र लिहून विनंती
talathi recruitment scam congress workers stage protest at dadar railway station
तलाठी भरतीविरोधात काँग्रेसचे लोकल रोको आंदोलन
Himanta Biswa Sarma has directed criminal case be filed against Congress leader Rahul Gandhi
गुवाहाटीत काँग्रेस कार्यकर्ते अन् पोलिसांमध्ये झटापट; मुख्यमंत्र्याकडून राहुल गांधींवर गुन्हा दाखल करण्याचे निर्देश

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rail minister suresh prabhu in meerut

First published on: 07-06-2016 at 19:36 IST

संबंधित बातम्या

तुम्ही या बातम्या वाचल्या आहेत का? ×