दिल्लीतील सामूहिक बलात्काकाची घटना ताजी असतानाच एका अल्पवयीन मुलीवर बलात्कार केल्याच्या आरोपावरून येथे एका २२ वर्षीय तरुणाला पोलिसांनी अटक केली. तुकाराम निषाद असे या तरुणाचे नाव आहे.
तुकारामने सहा वर्षांच्या मुलीवर बलात्कार केल्याचा आरोप आहे. संबंधित मुलगी त्याच्या शेजारी राहते. चॉकलेट आणि मिठाई देण्याचे आमिष दाखवून रविवारी तुकारामने तिला घराबाहेर नेले व तिथे तिच्यावर बलात्कार केला. मुलीच्या कुटुंबियांनी या प्रकरणी तुकारामविरोधात उर्ला पोलीस ठाण्यात तक्रार केली. मंगळवारी पोलिसांनी त्याला अटक केली.