scorecardresearch

Premium

International Joke Day निमित्त जाणून घ्या या दिवसाचं महत्त्व आणि इतिहास

आज आंतरराष्ट्रीय विनोद दिन असून त्यानिमित्ताने जाणून घेऊयात इतिहास आणि आनंदी राहण्याचं महत्व

International Joke Day
जोक्स नेगेटिव्ह गोष्टी बाजूला सारून पॉझिटिव्हिटी मिळवण्यासाठी मदत करतात. ( फोटो क्रेडीट-PTI )

हसणं, आनंदी राहणं हे आपल्या आयुष्यातील एक महत्त्वाचा भाग आहे. सुखी जीवनासाठी आनंदी राहणं हा मंत्रच आहे. अनेकदा एक छोटासा विनोदही दिलखुलास हसण्यासाठी पुरेसा असतो. कोणतंही दु:ख असो किंवा संकट…हसणं हे त्यावरील उत्तम औषध किंवा उपाय आहे अस आपण म्हणू शकतो. आता हे सर्व सांगण्याचं कारण म्हणजे आज ‘इंटरनॅशनल जोक डे’ म्हणजेच आंतरराष्ट्रीय विनोद दिन आहे.  दरवर्षी १ जुलै हा आंतरराष्ट्रीय विनोद दिन म्हणून साजरा केला जातो. आपल्या विनोदांनी इतरांच्या चेहऱ्यावर हास्य आणणाऱ्यांसाठी हा दिवस विशेष आहे. या दिवसाचं मुख्य उद्दीष्ट म्हणजे आपल्या आवडत्या व्यक्तींना हसवणे आणि त्यांच्यासोबत स्वतःही दिलखुलास हसणे.

आंतरराष्ट्रीय विनोद दिनाचा इतिहास

आंतरराष्ट्रीय विनोद दिनाची सुरवात ९० दशकाच्या मध्यभागी झाली होती. काही रिपोर्टनुसार, अमेरिकन लेखक वेन रेनाझल यांनी १९९४ रोजी या दिवसाचा विचार केला होता. त्यांनी आपल्या पुस्तकांच्या प्रमोशनसाठी हा दिवस तयार केला. व्हॉट नॅशनलडेने दिलेल्या वृत्तानुसार, रेनाझल यांनी सांगितलं की, “मी १ जुलै हा दिवस आंतरराष्ट्रीय विनोद दिन म्हणून सुरु केला. कारण वर्ष अधिकृतपणे अर्धे संपले होते, आणि तेव्हाच मी माझ्या पुस्तकाची जाहिरात करायला सुरवात करणार होतो.  म्हणून मी त्या दिवसाचा वापर माझ्या विनोदी पुस्तकांच्या जाहिरातीसाठी केला.”

virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
Sharad Pawar NCP
“ते सहसा माझ्या शब्दाला नकार देत नाहीत”; शरद पवारांच्या वक्तव्याची जोरदार चर्चा, म्हणाले…
asim sarode on rahul narvekar (1)
“अध्यक्षांनी अपात्रतेबाबत चुकीचा निर्णय दिला, तर…”, कायदेतज्ज्ञ असीम सरोदेंचं मोठं वक्तव्य
उपमुख्यमंत्र्यांच्या पत्नीने कोणते कपडे घालावेत, हे ठरवणारे तुम्ही कोण?

आंतरराष्ट्रीय विनोद दिनाचे महत्व

विनोदाच्या माध्यमातून आनंद देण्याच्या दृष्टीने विनोद दिन साजरा केला जातो. हास्य आपल्याला आपल्या आयुष्यात बर्‍याच प्रकारे मदत करते. हसण्यामुळे रक्तभिसरणास मदत मिळते असं डॉक्टरही सांगतात. तर फुफ्फुस आणि स्नायूंसाठीही फायदेशीर ठरतं. थोडक्यात आनंदी राहिल्याने शारीरिक प्रतिकारांना सामोरे जाण्यास देखील मदत मिळते.

अनेकदा यामुळे मनातील नकारात्मकता दूर होऊन सकारत्मकता मिळण्यास मदत होते. तसंच विनोदामुळे आपण इतरांशी सहजपणे जोडले जाऊ शकतो. एका छोटासा विनोदही आपल्या मनावरील ताण कमी करु शकतो. याशिवाय मन शांत करत समोरील व्यक्तीला लवकर माफ करण्यासही अनेकदा उपयुक्त ठरतो.

Latest Comment
View All Comments
Post Comment

मराठीतील सर्व FYI बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: International joke day 2021 history significance ttg

संबंधित बातम्या

तुम्ही या बातम्या वाचल्या आहेत का? ×