scorecardresearch

Premium

मनोहर पर्रिकरांनी दिला संरक्षणमंत्रीपदाचा राजीनामा, उद्या मुख्यमंत्रीपदाची शपथ घेणार

पर्रीकर उद्या संध्याकाळी मुख्यमंत्रीपदाची शपथ घेणार आहेत.

Manohar Parrikar , Congress , BJP , Manohar Parrikar , Goa , Goa Assembly, Goa Governor appoints Manohar Parrikar as the CM, Goa assembly elections 2017,Goa assembly elections,Goa elections 2017,assembly elections 2017,Goa assembly elections 2017 news,Goa assembly elections 2017 news in marathi, Goa assembly elections 2017 latest news,Goa assembly elections 2017, Goa assembly elections 2017 voting,Goa elections 2017 date
Manohar Parrikar to swear in as Goa Chief minister : गोवा फॉरवर्ड फक्षाचे विजय सरदेसाई यांना सार्वजनिक बांधकाम मंत्रिपद मिळण्याची शक्यता आहे. काँग्रेस मोठा पक्ष ठरला असला तरी मनोहर पर्रिकर यांना मुख्यमंत्री बनवण्याच्या अटीवर महाराष्ट्रवादी गोमंतक पक्ष, गोवा फॉरवर्ड पार्टी आणि २ अपक्ष आमदारांनी भाजपला पाठिंबा दिला होता.

केंद्रीय संरक्षणमंत्री मनोहर पर्रिकर यांनी सोमवारी आपल्या पदाचा राजीनामा दिला. पर्रिकर उद्या गोव्याच्या मुख्यमंत्रीपदाची शपथ घेणार आहेत. गोव्याच्या राज्यपाल मृदुला सिन्हा यांनी काल रात्री उशिरा गोव्याचे मनोहर पर्रिकर यांची गोव्याच्या मुख्यमंत्रीपदी नियुक्ती केली. तसेच त्यांना येत्या १५ दिवसांत सभागृहात बहुमत सिद्ध करण्याचेही आदेश दिले आहेत. पर्रीकर उद्या संध्याकाळी पाच वाजता राजभवनात मुख्यमंत्रीपदाची शपथ घेणार आहेत. यावेळी त्यांच्यासोबत दहाजणांचा शपथविधी होण्याची शक्यता आहे. यापैकी गोमंतक पक्षाचे नेते सुदीन ढवळीकरही उपमुख्यमंत्रीपदाची शपथ घेतील. तसेच गोवा फॉरवर्ड पक्षाचे विजय सरदेसाई हे सुद्धा मंत्रीपदाची शपथ घेतील. त्यांच्याकडे सार्वजनिक बांधकाम खात्याचा कारभार सोपवला जाण्याची शक्यता आहे. तसेच अपक्षांना दोन मंत्रिपदे मिळण्याची शक्यता आहे. यामध्ये गोविंद गावडे आणि रोहन कोंटे यांचा समावेश आहे. या सूत्रानुसार, भाजपकडे चार मंत्रीपदे, मुख्यमंत्रीपद आणि विधानसभेचे अध्यक्षपद राहील.

गोव्यात काँग्रेस मोठा पक्ष ठरला असला तरी मनोहर पर्रिकर यांना मुख्यमंत्री बनवण्याच्या अटीवर महाराष्ट्रवादी गोमंतक पक्ष, गोवा फॉरवर्ड पार्टी आणि २ अपक्ष आमदारांनी भाजपला पाठिंबा दिला होता. त्यामुळे भाजप आणि इतर पक्षांचे मिळून एकूण २१ आमदारांनी राज्यपालांसमोर सत्ता स्थापनेचा दावा केला होता.

MP Rajan vichare
माझ्या जीवाचे काही झाल्यास मुख्यमंत्री आणि गृहमंत्री जबाबदार – खासदार राजन विचारे
karnataka Chief Minister Siddaramaiah
कर्नाटक अन् केरळवरील अन्यायाच्या आरोपातून काँग्रेसचे ‘दिल्ली चलो’ आंदोलन, भाजपच्या खासदारांनाही सहभागी होण्याची विनंती
Eknath Shinde Chhagan Bhujbal (1)
राजीनामा दिल्यानंतर कॅबिनेटमध्ये काय घडलं? छगन भुजबळ म्हणाले, “मुख्यमंत्री, उपमुख्यमंत्र्यांनी बोलावून घेतलं अन् मला…”
Congress state president Nana Patole demands that the chief minister should resign immediately accusing him of corruption Nagpur
मुख्यमंत्र्यांवर भ्रष्टाचाराचे आरोप, तात्काळ राजीनामा द्यावा; काँग्रेसचे प्रदेश अध्यक्ष नाना पटोलेंची मागणी

गोव्यात भाजपला मिळालेले संख्याबळ बघता सरकार स्थापन करणे शक्य नव्हते. मात्र, अपक्षांची मोट बांधून सरकार स्थापन करण्यासाठी भाजपने नितीन गडकरी यांची निरीक्षक म्हणून नियुक्ती केली होती. त्यांनी केलेले प्रयत्न यशस्वी ठरल्यामुळे गोव्यात गडकरी खऱ्या अर्थाने किंगमेकर ठरले आहेत. गोवा विधानसभा निवडणुकीत काँग्रेसला स्पष्ट बहुमत मिळाले नसले तरी ४० सदस्यीय विधानसभेत काँग्रेस १७ जागा मिळवून मोठा पक्ष ठरला, तर दुसऱ्या क्रमांकावर भाजपने १३ जागा जिंकल्या. सत्ता स्थापनेसाठी २१ जागांची आवश्यकता असताना ९ सदस्यांचा पाठिंबा मिळविणे, हे भाजपसमोर मोठे आव्हान होते. नितीन गडकरी शनिवारी दिवसभर दिल्लीत होते. सत्तेची समीकरण जुळविण्यासाठी गडकरी यांच्याकडे गोव्याचे निरीक्षक म्हणून जबाबदारी देण्यात आली. गोवा निवडणुकीची जबाबदारी ही गडकरींकडेच होती. त्यासाठी त्यांनी निवडणुकीपूर्वी व्यूव्हरचनाही केली होती. गडकरी शनिवारी रात्रीच गोव्यात पोहोचले. रात्रभर त्यांनी सत्तेची समीकरण मांडण्यासाठी प्रयत्न सुरू केले. त्यानंतर भाजपच्या गोटात बैठकांचे अखंड सत्र सुरू होते. अखेर काल संध्याकाळी पाच वाजता भाजपचा विधिमंडळ नेता म्हणून पर्रिकर यांच्या नावाची घोषणा करण्यात आली होती. त्यानंतर सात वाजता पर्रिकरांनी राज्यपालांची भेट घेऊन सत्तास्थापनेचा दावा केला होता. याउलट काँग्रेसच्या गोटात अखेरच्या क्षणापर्यंत गोंधळ होता. अनेक बैठका होऊनही शेवटपर्यंत कोणताही न निर्णय झाल्याने काँग्रेसला सत्तेपासूनच दूरच राहावे लागले होते.

Latest Comment
View All Comments
Post Comment

मराठीतील सर्व गोवा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Manohar parrikar to swear in as goa chief minister tomorrow at 5 pm

First published on: 13-03-2017 at 12:08 IST

संबंधित बातम्या

तुम्ही या बातम्या वाचल्या आहेत का? ×