07 April 2020

News Flash

FIFA World Cup 2018 FINAL FRA vs CRO : ‘क्रोएशिया जगज्जेता झाल्यास कपाळावर टॅटू काढून घेईन’

FIFA WC 2018 FINAL FRA vs CRO : 'सध्या माझ्या शरीरावर कपाळ हा भाग मोकळा आहे. क्रोएशिया जगज्जेता झाला, तर मी कपाळावर टॅटू काढून घेईन.

क्रोएशियाचा मिडफिल्डर इवॅन रॅकिटीक

फिफा विश्वचषक स्पर्धेत आज फ्रान्स विरुद्ध क्रोएशिया असा अंतिम सामना रंगणार आहे. क्रोएशियाचा संघ हा प्रथमच अंतिम फेरीत पोहोचला आहे, तर फ्रान्सचा संघ गेल्या २० वर्षात तिसऱ्यांदा अंतिम फेरीत खेळणार आहे. या दोनही संघांचा या स्पर्धेतील प्रवास पाहता हा सामना ‘कांटे की टक्कर’ होणार, हे नक्की. आज भारतीय प्रमाण वेळेनुसार रात्री ८.३० वाजता हा सामना सुरु होणार असून या सामन्यात चाहत्यांनी आणि क्रीडारसिकांनी आपल्या आवडत्या संघाला आपला पाठिंबा जाहीर करायला सुरुवात केली आहे.

या साऱ्या रणधुमाळी दरम्यान बार्सिलोना क्लबकडून खेळणारा क्रोएशियाचा मधल्या फळीतील खेळाडू इवॅन रॅकिटीक याने एक अजब घोषणा केली. शुक्रवारी एका पत्रकार परिषदेत तो बोलत होता. त्यावेळी त्याला पत्रकारांनी टॅटूंबाबत प्रश्न विचारला. त्यावर इवॅन म्हणाला की रविवारच्या सामन्यात आम्ही जिंकावे, अशी माझी अपेक्षा आहे. आणि तसे झाले, तर मी नक्कीच टॅटू काढून घेईन.

‘सध्या माझ्या शरीरावर कपाळ हा भाग मोकळा आहे. जर क्रोएशिया जगज्जेता झाला, तर मी कपाळावर टॅटू काढून घेईन. पण अर्थातच या टॅटूला माझ्या बायकोची हरकत नाही, याची मला खातरजमा करायला हवी,’ असेही तो मिश्कीलपणे म्हणाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2018 6:22 pm

Web Title: fifa world cup 2018 final fra vs cro france croatia ivan rakitic tattoo
टॅग Croatia
Next Stories
1 FIFA World Cup 2018 : मॉस्कोत महासंग्राम!
2 FIFA World Cup 2018 : दिल है की मानता नहीं
3 FIFA World Cup 2018 : द ब्लॅक पर्ल!
Just Now!
X