29 October 2020

News Flash

IPL 2020 : ठोकर खाऊनच माणूस ‘ठाकूर’ बनतो ! सेहवागकडून मराठमोळ्या शार्दुलचं कौतुक

अखेरच्या षटकांत चेन्नईच्या गोलंदाजांचं दमदार पुनरागमन

छायाचित्र सौजन्य - IPL/BCCI

आयपीएलच्या तेराव्या हंगामात सलग तीन पराभवांचा सामना करावा लागल्यानंतर चेन्नई सुपरकिंग्जने पंजाबविरुद्धच्या सामन्यात चांगलं पुनरागमन केलं. कर्णधार लोकेश राहुलचं अर्धशतक आणि निकोलस पूरनची फटकेबाजी यामुळे पंजाबचा संघ सामन्यात मोठी धावसंख्या उभारेल असं वाटत होतं. परंतू चेन्नईच्या गोलंदाजांनी अखेरच्या षटकांमध्ये दमदार पुनरागमन करत पंजाबला १७८ धावांवर रोखलं. यात मोलाची भूमिका बजावली ती मुंबईच्या शार्दुल ठाकूरने.

शार्दुलने सामन्यात ४ षटकांत ३९ धावांत देत २ बळी घेतले. परंतू शेवटचं षटक टाकताना शार्दुलने पंजाबच्या फलंदाजांना मोठे फटके खेळण्याची संधीच दिली नाही. सरफराज खान आणि ग्लेन मॅक्सवेल यासारखे फटकेबाजी करणारे फलंदाज मैदानावर असतानाही शार्दुलने अखेरच्या षटकात फक्त १२ चं धावा दिल्या. विरेंद्र सेहवागने या कामगिरीसाठी त्याचं कौतुक करत, ठोकर खाऊनच माणूस ठोकूर बनतो अशा शब्दांत त्याचं कौतुक केलं.

याआधी १८ वं षटक टाकत असतानाही शार्दुलने लोकेश राहुल आणि निकोलस पूरन या खेळपट्टीवर स्थिरावलेल्या फलंदाजांना माघारी धाडत पंजाबला दोन मोठे धक्के दिले. हे दोन्ही फलंदाज माघारी परतल्यामुळे अखेरच्या षटकांत पंजाबचे नवखे फलंदाज मैदानावर आले, ज्याचा फटका त्यांना बसला.

शार्दुल ठाकूरच्या दोन बळींव्यतिरीक्त चेन्नईकडून रविंद्र जाडेजा आणि पियुष चावला यांनी प्रत्येकी १-१ बळी घेतला. चेन्नईच्या इतर गोलंदाजांना विकेट घेता आली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 4, 2020 10:26 pm

Web Title: ipl 2020 virendra sehwag and irfan pathan praise shardul thakur for his performance psd 91
टॅग IPL 2020
Next Stories
1 IPL 2020 KXIP vs CSK: ‘कॅप्टन कूल’ धोनीचं अनोखं शतक
2 IPL 2020 CSK vs KXIP: ‘चेन्नई’ एक्स्प्रेस रूळावर; पंजाबवर दणदणीत विजय
3 IPL 2020 : गोलंदाज रणनिती सांगतात, मी फक्त फिल्डींग लावतो ! रोहितने केलं सहकाऱ्यांचं कौतुक
Just Now!
X