कोल्हापुरात गाडी उलटून झालेल्या अपघातात 15 मुलं जखमी झाले आहेत. पन्हाळा रोडवर हा अपघात झाला आहे. सर्व मुलं मर्दानी खेळ खेळण्यासाठी जात असताना हा अपघात झाला. मुलं 11 ते 14 वयोगटातील आहेत. 15 जण जखमी झाले असून यामधील एकजण गंभीर जखमी आहे. जखमींना छत्रपती प्रमिलाराजे रुग्णालयात दाखल करण्यात आलं असून उपचार सुरु आहेत. मिळालेल्या माहितीनुसार, एका क्रूझरमधून सर्व मुलं प्रवास करत होती. पन्हाळ्याला मर्दानी खेळ खेळण्यासाठी हे सर्वजण जात होते. गाडी केरली परिसरात पोहोचली असता चालकाचा ताबा सुटला आणि गाडी रस्त्याशेजारी शेतात जाऊन पलटी झाली. अपघातात 15 जण जखमी झाले असून एकाची प्रकृती गंभीर आहे.
