जागतिक क्रमवारीतील अव्वल दर्जाचा खेळाडू व्लादिमीर क्रामनिक व भारताचा विश्वविजेता खेळाडू विश्वनाथन आनंद यांच्यातील झुरिच चॅलेंज बुद्धिबळ स्पर्धेतील डाव बरोबरीत राहिला. चार खेळाडूंच्या अव्वल दुहेरी साखळी स्पर्धेत फॅबिआनो कारुआना व बोरिस गेल्फंड यांच्यातील डावही अनिर्णित राहिला. आनंद याला पहिल्या फेरीतही कारुआनाविरुद्ध अध्र्या गुणावरच समाधान मानावे लागले होते. गेल्फंडनेही क्रामनिकविरुद्धच्या डावात बरोबरी साधली होती. या चारही खेळाडूंचा दुसऱ्या फेरीअखेर प्रत्येकी एक गुण झाला आहे.

First Published on February 26, 2013 3:47 am