न्यूझीलंडचा कर्णधार ब्रेन्डन मॅक्क्युलमने पाठीच्या दुखापतीमुळे बांगलादेश दौऱ्यावरील उर्वरित दोन सामन्यांतून माघार घेतली आहे. तो तातडीने मायदेशी परतला आहे, असे अधिकृत सूत्रांनी सांगितले. ‘‘मॅक्क्युलमच्या दुखापतीची वैद्यकीय तपासणी करण्यात आली आहे. यासंदर्भात उपचारांच्या दृष्टीने तो त्वरित न्यूझीलंडला परतला आहे,’’ असे न्यूझीलंड क्रिकेट मंडळाने पत्रकाद्वारे कळवले आहे.
