19 February 2018

News Flash

भारताविरुद्ध टी-२० मालिकेसाठी आफ्रिकेच्या संघाची घोषणा, ड्युमिनीकडे संघाचं नेतृत्व

१८ फेब्रुवारीपासून सुरु होणार मालिका

लोकसत्ता टीम | Updated: February 13, 2018 5:06 PM

महत्वाच्या खेळाडूंना टी-२० संघातून विश्रांती

भारताविरुद्ध होणाऱ्या ३ टी-२० सामन्यांसाठी दक्षिण आफ्रिकेने आज आपल्या संघाची घोषणा केली. १४ जणांच्या आफ्रिकन संघाचं नेतृत्व डावखुरा फलंदाज जे. पी. ड्युमिनीकडे सोपवण्यात आलेलं आहे. १८ फेब्रुवारीपासून ३ टी-२० सामन्यांच्या मालिकेला सुरुवात होणार आहे.

आगामी ऑस्ट्रेलियाविरुद्धची कसोटी मालिका लक्षात घेता दक्षिण आफ्रिकेच्या निवड समितीने कगिसो रबाडा, मॉर्ने मॉर्कल आणि लुंगी एन्गिडी या ३ जलदगती गोलंदाजांना विश्रांती दिली आहे. याचसोबत फलंदाजांमध्ये एडन मार्क्रम आणि हाशिम आमला या दोघांनाही विश्रांती देण्यात आली आहे. मात्र एबी डिव्हीलियर्सला टी-२० मालिकेच्या संघातही स्थान मिळालेलं आहे. आफ्रिकेच्या निवड समितीने टी-२० संघात ३ तरुण खेळाडूंना संधी दिली आहे.

भारताविरुद्ध टी-२० मालिकेसाठी असा असेल आफ्रिकेचा संघ –

जे. पी. ड्युमिनी (कर्णधार), फरहान बेहरदीन, ज्युनिअर डाला, एबी डिव्हीलियर्स, रेझा हेंड्रीक्स, ख्रिस्तीएन जोंकर, हेन्रिक क्लासेन, डेव्हिड मिलर, ख्रिस मॉरिस, ड्युएन पॅटरसन, अॅरोन फंगिसो, अँडल फेलुक्वायो, तबरेझ शम्सी, जे.जे. स्मट्स.

First Published on February 13, 2018 5:06 pm

Web Title: cricket south africa announced 14 member squad for 3 t 20i against india
  1. No Comments.