राडेक स्टेपनेकने निकोलस अल्माग्रोवर ३-२ ने मिळवलेल्या विजयासह झेक प्रजासत्ताकने प्रतिष्ठेच्या डेव्हिस चषकावर नाव कोरले. स्वतंत्र देश म्हणून मान्यता मिळाल्यानंतर झेक प्रजासत्ताकसाठी हा पहिलाच डेव्हिस चषक विजय आहे. स्टेपनेकने ११व्या मानांकित अल्माग्रोला ६-४, ७-६ (०), ३-६, ६-३ असे नमवले. नेटजवळून सुरेख खेळ करत स्टेपनेकने हा विजय साकारला. या विजयासह झेक प्रजासत्ताकने दुर्मिळ विजयाला गवसणी घातली. झेकच्या महिलांनी काही दिवसांपूर्वीच फेड चषक जिंकला होता.
