Rajat Patidar’s 4 Consecutive Sixes Video : सनरायझर्स हैदराबाद संघाविरुद्ध खेळल्या गेलेल्या सामन्यात रॉयल चॅलेंजर्स बंगळुरू संघाने प्रथम फलंदाजी करताना 20 षटकात २०६ धावा केल्या. रॉयल चॅलेंजर्स बंगळुरूच्या या सामन्यात रजत पाटीदारच्या बॅटने शानदार खेळी पाहायला मिळाली. रजत पाटीदारने या खेळीत एका षटकात सलग चार षटकार मारत, एक असा पराक्रम केला जो गेल्या ११ वर्षांत रॉयल चॅलेंजर्स बंगळुरूच्या एकाही फलंदाजाने केला नव्हता.

११व्या षटकात मारले सलग चार षटकार –

११व्या षटकातील पहिल्या चेंडूवर विराट कोहलीकडून स्ट्राईक घेऊन आलेल्या रजतसमोर मयंकने दुसरा चेंडू वाईड टाकला. हा चेंडू पुन्हा टाकल्यावर रजतने लाँग ऑफच्या दिशेने ८६ मीटरचा शक्तिशाली षटकार मारला. यानंतर तिसऱ्या चेंडूवर त्याने लाँग ऑफवर पुन्हा एकदा शानदार षटकार ठोकला. त्यानंतर पाटीदारचे वादळ टाळण्यासाठी मयंकने गुगलीचा प्रयत्न केला, पण रजतने तो चेंडू पण डीप मिडविकेटच्या दिशेने षटकार ठोकला. मयंकने पाचवा चेंडू ऑफ स्टंपपासून दूर ठेवण्याचा प्रयत्न केला. हा चेंडू वाईड गेला असता, पण रजतने त्याच्या लेन्थला जाऊन एक्स्ट्रा कव्हरवर शानदार षटकार ठोकला. रजतने चार चेंडूत सलग ४ षटकार मारत हैदराबाद स्टेडियममध्ये खळबळ उडवून दिली.

Disappointment of Pakistani fan who sold tractor video viral
IND vs PAK सामना पाहण्यासाठी पाकिस्तानच्या चाहत्याने विकला ट्रॅक्टर, भावुक होत सांगितली व्यथा, VIDEO व्हायरल
Pat Cummins triggers Virat Kohli fans as 'jobless' video surfaces online: 'Say anything about him and watch out'
VIDEO : विराट कोहलीच्या चाहत्यांवर पॅट कमिन्स संतापला; म्हणाला, “सर्वच्या सर्व चाहते…”
Brydon Carse banned all format
Brydon Carse : इंग्लंडच्या वेगवान गोलंदाजावर बंदी, सट्टेबाजी प्रकरणात दोषी आढळल्याने कारवाई
West Indies beat Australia in warm up match
T20 WC 2024 : वर्ल्डकपपूर्वी वेस्ट इंडिजने केला ऑस्ट्रलियाचा पालापाचोळा; २० षटकात २५७ धावा, पूरनचे वादळी अर्धशतक
Kolkata Knight Riders vs Sunrisers Hyderabad Live IPL 2024 Qualifier 1 Score in Marathi
KKR vs SRH Qualifier 1 : राहुल त्रिपाठी धावबादनंतर भावूक, पायऱ्यांवर बसून रडतानाचा VIDEO व्हायरल
Virat Needs 29 runs to reach 8000 runs complete in IPL history
RR vs RCB : एलिमिनेटर सामन्यात विराट इतिहास रचण्यासाठी सज्ज! IPL मध्ये ‘हा’ पराक्रम करणारा ठरणार पहिलाच खेळाडू
Abhishek Sharma smashed Virat Kohli's record of most sixes in single season
SRH vs PBKS : अभिषेक शर्माने विराटचा विक्रम मोडत रचला इतिहास, ‘हा’ पराक्रम करणारा ठरला पहिला भारतीय
Hardik Pandya banned from 1st match of ipl 2025
IPL 2024 : BCCI ची हार्दिक पंड्यावर मोठी कारवाई! पुढील हंगामातील पहिल्याच सामन्यात खेळण्यावर घातली बंदी

रजत पाटीदारने खेळली ऐतिहासिक खेळी –

रजत पाटीदारने या सामन्यात २५० च्या स्ट्राईक रेटने २० चेंडूत ५० धावा केल्या. या दरम्यान पाटीदारने २ चौकार आणि ५ षटकार मारले. रजत पाटीदारने ५० धावांचा टप्पा गाठण्यासाठी १९ चेंडू घेतले. आरसीबीसाठी हे संयुक्त दुसरे सर्वात वेगवान अर्धशतक आहे. त्याचवेळी, आरसीबी संघासाठी ११ वर्षांनंतर प्रथमच एका फलंदाजाने अर्धशतक करण्यासाठी २० पेक्षा कमी चेंडूंचा सामना केला आहे. याआधी २०१३ मध्ये ख्रिस गेलने १७ चेंडूत अर्धशतक झळकावले होते.

हेही वाचा – IPL 2024 : अक्षर पटेलने ‘इम्पॅक्ट प्लेयर’च्या नियमावर उपस्थित केला प्रश्न, सांगितले ‘या’ खेळाडूंसाठी का आहे धोकायदायक?

आरसीबीसाठी आयपीएलमध्ये सर्वात जलद अर्धशतक झळकावणारे फलंदाज –

१७ चेंडू – ख्रिस गेल
१९ चेंडू – रजत पाटीदार
१९ चेंडू – रॉबिन उथप्पा

विराट कोहलीने केले दोन विक्रम –

या सामन्यात रजत पाटीदारशिवाय विराट कोहलीनेही अर्धशतक झळकावले. विराटने ४३ चेंडूत ५१ धावांची खेळी खेळली. यादरम्यान त्याने ४ चौकार आणि १ षटकार लगावला. त्याचबरोबर विराटने या मोसमात आपल्या ४० धावाही पूर्ण केल्या. १० वेगवेगळ्या हंगामात ४०० हून अधिक धावा करणारा तो आयपीएल इतिहासातील पहिला फलंदाज ठरला आहे. एवढेच नाही तर त्याने आयपीएलमध्ये सलामीवीर म्हणून ४ हजार धावाही पूर्ण केल्या. अशी कामगिरी करणारा तो चौथा सलामीवीर ठरला आहे.

हेही वाचा – Guy Whittall : धक्कादायक! माजी क्रिकेटरवर बिबट्याचा जीवघेणा हल्ला, कुत्र्याने वाचवला जीव, रक्ताने माखलेला फोटो व्हायरल

जयदेव उनाडकटची १०० व्या सामन्यात संस्मरणीय कामगिरी –

जयदेव उनाडकटचा हा १०० वा सामना होता. या विशेष सामन्यात त्याने चांगली कामगिरी केली. जयदेव उनाडकटने ४ षटकात ३० धावा देत ३ विकेट्स घेतल्या. आयपीएलमध्ये पहिल्यांदाच विराट कोहलीलाही त्याने बाद केले. त्याचवेळी जयदेव उनाडकटने रजत पाटीदार आणि महिपाल लोमरोर यांनाही बाद केले.